काठमाडौं। मकवानपुरको भीमफेदी गाउँपालिका–६ चिसापानी गढीमा यात्रुवाहक माइक्रोबस दुर्घटना हुँदा चालकसहित १० जनाको मृत्यु भएको छन् भने पाँच जना घाइते भएका छन्।
प्रहरीका अनुसार बिहीबार बिहान करिब ५:४५ बजे काठमाडौंबाट सर्लाही जाँदै गरेको मधेश प्रदेश ०३-००१ ज ०८८० नम्बरको माइक्रोबस भीमफेदी–कुलेखानी–काठमाडौं सडकखण्डबाट करिब ५०० मिटर तल भिरमा खसेको हो।
दुर्घटनापछि उद्धारमा खटिएका सुरक्षाकर्मीले पाँच जना घाइतेको उद्धार गरेका छन्। दुर्घटनामा चालकसहित १० जनाको मृत्यु भएको पुष्टि भएको छ।
माइक्रोबसमा चालकसहित १५ जना सवार रहेको प्रहरीले जनाएको छ। मृतक तथा घाइतेको पहिचान र दुर्घटनाको कारणबारे थप विवरण आउन बाँकी रहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1794455419.jpg)
-1786602170.png)
