चितवन- चितवन निकुञ्जमा चालु आर्थिक वर्षको ८ महिनामा ४१ गैंडा मरेका छन्।
पछिल्लो समय निकुञ्जमा प्राकृतिक कारणले गैंडा मर्ने दर बढेको निकुञ्जले जनाएको छ।
८ महिनामा ३९ वटा गैंडा निकुञ्ज भित्र र २ वटा गैंडा समुदायिक वन क्षेत्रका मरेको प्रमुख संरक्षण अधिकृत बेद कुमार ढकालले जानकारी दिए।
आइतबार मात्र चितवनमा सेफ्टीट्याङकीमा खसेर एक गैडा मरेको छ। चितवन राष्ट्रिय निकुन्जबाट राप्ती किनारमा निस्किएको गैडा भरतपुर महानगरपालिका २३ मा रहेको होटल टाईगर ल्याण्डको सेफटीट्याङकीमा खसेर मरेको हो।
सेफ्टीट्याङकी माथिल्लो भाग कमजोर भएका कारण खसेर गैडाको मृत्यु भएको चितवन राष्ट्रिय निकुन्जका प्रमुख संरक्षण अधिकृत बेद कुमार ढकालले दिए।
मृत्युको कारणबारे थप अनुसन्धान भइरहेको ढकालले बताए।
गैडाको चितवन राष्ट्रिय निकुन्जको प्राविधिक टोलीले पोष्टमाटम गरिसकेको छ। करिब २० बर्षको पोथी गैडा बिहान चार बजे सेफ्टीट्याङकीमा खसेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
