काठमाडौं– प्रहरीले छुटाछुट्टै स्थानबाट लागुऔषध सहित ३ जनालाई पक्राउ गरेको छ।
महानगरीय प्रहरी प्रभाग नागढुङ्गाबाट खटिएको प्रहरी टोलीले नागढुङ्गास्थित चेक प्वाइन्टबाट शनिबार बिहान ८ बजे लागुऔषधसहित महोत्तरी गौशाला नगरपालिका–७ का १४ वर्षीय अन्सु चौधरीलाई पक्राउ गरेको छ। महोत्तरीबाट काठमाडौं आउँदै गरेको ना ५ ख १२०९ नम्बरको यात्रुबाहक बसलाई जाँच गर्ने क्रममा चौधरीको साथबाट अवैध लागुऔषध नाइट्राभेट १६५ ट्याब्लेट बरामद भएको हो।
साथै महानगरीय प्रहरी प्रभाग कोटेश्वरबाट खटिएको प्रहरी टोलीले शुक्रबार कोटेश्वर महादेव स्थानबाट दुई जनालाई लागुऔषधसहित पक्राउ गरेको छ।
पक्राउ पर्नेमा झापा चन्द्रगढी घर भई जडिबुटी बस्ने १९ वर्षीय सुशान्त गुरागाई र सिन्धुलीमाडी घरभई जडीबुटी बस्ने १९ वर्षीय रोहित मैनाली छन्। उनीहरुको साथबाट अवैध लागुऔषध नाइट्राभेट ४०२ ट्याबलेट बरामद भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
