काठमाडाैं- नेपाली कांग्रेसका केन्द्रीय सदस्य डा शेखर कोइरालाले सरकारले शैक्षिक संस्थाहरुकाे मनाेबल कमजाेर बनाउने काम गरिरहेकाे बताएका छन्।
सामाजिक सञ्जालमा स्टाटस राख्दै उनले सरकार गठन भएदेखि नै नियोजित रूपमा शैक्षिक संस्थाहरू कमजोर बनाउने र दलीय आधारमा पदाधिकारीहरूलाई अनावश्यक दु:ख दिने काम भइरहेकाे आराेप लगाए।
'संस्कृत विश्वविध्यालयका उपकुलपतीलाई अपराधी जसरी विमानस्थलबाट पक्रिनु, सुदुरपश्चिम विश्वविध्यालयका उपकुलपतिको निलम्बन, मध्यपश्चिम विश्वविध्यालयका रजिष्टारको वर्खास्ती, बिपी कोइराला स्वास्थ्य विज्ञान प्रतिष्ठानका रेक्टर र रजिष्टारको सिफारिसमा उपकुलपति हटाइनु, त्रिवि अन्तर्गतका पद्मकन्या लगायत अधिकांश क्याम्पसमा प्रमुखको नियुक्ति हुन नसक्नु, राप्ती स्वास्थ्य विज्ञान प्रतिष्ठानका उपकुलपतिलगायत पदाधिकारीहरूमाथी कारबाहीको सिफारिस गरिनुले सरकार सर्वसत्तावाद हुँदै अधिनायकवादतर्फ अगाडि बढेको प्रष्ट देख्न सकिन्छ', स्टाटसमा उनले भनेका छन्।
सरकारको यस्ता हर्कतलाई कांग्रेसलगायत लोकतान्त्रिक शक्ति, नागरिक समाज एवं बुद्धिजिवीहरूले एकतावद्ध भई जवाफ दिन जरुरी रहेकाेमा उनले जाेड दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792292945.webp)
-1786602170.png)
