काठमाडौं- हाम्रो पात्रोले आफ्ना प्रयोगकर्ताका लागि नयाँ अपडेट सार्वजनिक गरेको छ। उक्त अपडेट गुगल प्लेस्टोरमा उपलब्ध छ।
समयानुसार फरक सुविधा, नवीन प्रविधियुक्त अपडेट गर्दै गएको हाम्रो पात्रोका संस्थापक तथा परिकल्पनाकार शंकर उप्रेतीले बताए। 'यस क्रममा ‘हाम्रो पात्रो’ एउटा पात्रोमा मात्र सीमित नरहेर, हरेक नेपालीको दैनिकी सहज बनाउने सहयात्री भएको छ,' उनले भने।
हाम्रो पात्रोले सार्वजनिक गरेको मेगा अपडेटको विशेषता
१) स्थानीय भाषाका साथमा
हाम्रो पात्रो अब नेपालभाषा, मैथिली भाषा र भोजपुरी भाषामा पनि उपलब्ध छ। र भाषा परिवर्तन गर्न सकिने भएको छ। नेपाली तथा अंग्रेजी भाषामा मात्र यसअघि प्रयोग गर्न सकिने हाम्रो पात्रोले आफ्नो भाषाको दायरालाई थप फराकिलो बनाएको छ। नयाँ अपडेटमा यदि तपाईं नेपाल भाषा प्रयोग गर्दै हुनुहुन्छ भने तपाईंले नेपाल सम्वतमै तिथिमिति बारे जानकारी प्राप्त गर्न सक्नुहुन्छ। नेवा वर्षका १२ वटै महिना तथा एप्लिकेसनमा प्रयोग हुने मूल फिचरहरु नेपालभाषामा राखिएका छन्।
२) दिन तथा रात थिमका साथ
प्रयोग सहजतामा प्रभावकारी लाइट, डार्क र अटो थिम नयाँ अपडेटको विशेषता हो। अब हाम्रो पात्रोको नेपथ्यका रंग र प्रकाश परावर्तनको अनुपातका आधारमा प्रयोगकर्ताले आफूलाई आवश्यक थिम रोज्न सक्नेछन्।
३) हाम्रो भिडियो
विविध भिडियो वर्ग (क्याटोगरी) अनुसार भिडियो हेर्ने सुविधा सहित भिडियोको नयाँ डिजाइजन राखिएको छ।
४) नोट/टिपोट
हाम्रो पात्रो मेगा रिलिजको अत्यन्त महत्वपूर्ण फिचर हो नोट टिपोट। आफ्ना अनेकानेक कार्यक्रमको तालिका मिलाउन र गर्नुपर्ने कामहरु सम्झिन हाम्रो पात्रोद्वारा सार्वजनिक हाम्रो नोट/टिपोटको सुविधा अब तपाईंको व्यक्तिगत प्रयोगका लागि हाम्रो पात्रोले सार्वजनिक गरेको छ।
५) समाचार सर्च तथा ट्रेन्डिङ समाचार
यस मेगा अपडेटको अर्को राम्रो विशेषता भनेको सर्च र ट्रेन्डिङ विषयको सुविधा। आफ्नो इच्छा अनुसारको विषयको सामग्री सर्च गर्न र ट्रेन्डिङ विषयहरुमा अवलोकन र अपटेडेड रहन यो अपडेट विशेष छ।
६) न्युज पर्सनलाइजेसन
पाठकको व्यक्तिगत रोजाइ, छनोट र रुचि अनुसार प्ल्याटफर्म विस्तार गर्दै समाचार पर्सनालाइजेसनको सुविधा राखेको छ। अब हाम्रो पात्रोमा आफूलाई मन परेको समाचार स्रोत रोज्न तथा आफूलाई चाहिने समाचार वर्ग चयन गर्न सक्नेछन्।
७) दैनिक नोटिफिकेसन हिस्ट्री
हाम्रो पात्रोले पठाउने हरेक ताजा समाचारका दैनिक नोटिफिकेसनहरु हिस्ट्रीमा पछि समेत हेर्न मिल्ने सुविधा नयाँ अपडेटमा ल्याएको छ। दिनहुँका नोटिफिकेसन हिस्ट्रीमा बस्ने समाचारको सूची आज मात्रको हुने होइन पुराना समाचारका नोटिफिकेसनहरु पनि क्रमैअनुसार मोबाइलमा रहिरहनेछ। यी सबै विशेषता एपमार्फत डाउनलोड गर्न हाम्रो पात्रो एपमा क्लिक गर्न सकिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792292945.webp)
-1786602170.png)
