काठमाडौं- वैदेशिक रोजगार व्यवसायी संघका अध्यक्ष रोहन गुरुङले आफ्नो घरमा भएको बम विस्फोटको कारणबारे कुनै जानकारी नभएको बताएका छन्। नेपाल लाइभसँग कुरा गर्दै अध्यक्ष गुरुङले शनिबार भएको बम विस्फोटका सम्बन्धमा कुनै जानकारी नभएको बताएका हुन्।
'तर विप्लव समूहले ४ महिनाअघि आर्थिक सहयोगका लागि महासंघलाई सम्बोधन गरी पत्र काटेको थियो,' उनले भने, 'आफूहरुले ठूलो रकम चन्दा दिन नसक्ने बताएको हो।'
विप्लव नेतृत्वको नेकपाको पत्र आएको भएपनि सो पत्रमा कति रकम सहयोग मागिएको हो भन्ने कुरा नखुलाइएको उनको भनाइ छ।
मलेसियाको रोजगारी रोकिएको र म्यानपावर व्यवसायीले सरकार समक्ष राख्नपर्ने धरौटी लगायका विषयले गर्दा तत्काल ठुलो आर्थिक सहयोग गर्न नसक्ने जवाफ संघले विप्लवलाई फर्काएको थियो।
तर तीन हप्ताअघि मात्र सो पत्र फिर्ता लिन एक व्यक्ति आएका थिए।
यही विषयका कारण शनिबार अध्यक्ष गुरुङको घरमा बम पड्काइएको हुन सक्ने आशंका गरिएको छ।
बम विष्फोटका कारण गुरुङको घरमा पार्किङ गरी राखिएको गाडी पूर्णरुपमा ध्वस्त भएको थियो भने घरमा आगलागी भएर क्षति भएको भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768716527.png)
-1768712852.png)
-1764146706.png)
-1768395492.png)
