जनकपुर– ५ ट्रक बराबरको लागुऔषध गाँजासहित ८ जनालाई सिन्धुली प्रहरीले पक्राउ गरेको छ।
भारततर्फ लैजान लागेको ५ किलो र प्रशोधनका लागि तयारी अवस्थामा राखिएको ५ ट्रक बराबरको गाँजासहित सिन्धुलीको हरिहरपुर गाउँपालिका स्थित क्यानेश्वरबाट ८ जनालाई पक्राउ गरिएको जिल्ला प्रहरी कार्यालय सिन्धुलीका प्रहरी नायव उपरीक्षक लोकदर्शन थापाले जानकारी दिए।
पक्राउ पर्नेमा पर्सा जिल्ला पर्साहगढी नगरपालिका–४ का ४५ वर्षीय जयदेव माझी मुसहर, ४६ वर्षीय बागर माझी मुसहर, ४५ वर्षीय डोडामाझी मुसहर, ३५ वर्षीय लालमती माझी मुसहर, ४० वर्षीया भगवती माझी मुसहर, ३७ वर्षीया रोहनी माझी मुसहर, ३६ वर्षीया तैइती माझी मुसहर, ३३वर्षीया कुसुनी माझी मुसहर रहेका छन्।
स्थानीय अमृत तामाङको घरमा काटेर राखिएको गाँजालाई प्रशोधन गरिरहेको भन्ने सुराकका आधारमा प्रहरीले नियन्त्रणमा लिएको प्रहरीले जनाएको छ।
प्रहरीका अनुसार अमृत तामाङ भने फरार भएका छन्। उनको खोजी भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।