काठमाडौं– नेपाली सेनाका रत्नजित तामाङ्ग र नवीन श्रेष्ठको जोडीले दुर्गादेवी दुलाल सुन्दरहरैंचा अन्तर्राष्ट्रिय आमन्त्रण खुला ब्याडमिन्टन प्रतियोगिताको पुरुष जोडीतर्फ उपाधि जितेका छन् । तामाङ्ग र श्रेष्ठको जोडीले एपिएफका दिपेश धामी र बिजित थापा मगरको जोडीलाई २१–१८ र २५ –२३ को जित निकाल्दै ट्रफी उचालेका हुन् ।
विजयी खेलाडीहरुले एक लाख नगद सहित ट्रफी मेडल र प्रमाण पत्र प्राप्त गरे। उपविजेता टोलीले नगद ५० हजार सहित मेडल ट्रफी र प्रमाण पत्र प्राप्त गरे। यस्तै तेश्रो स्थान प्राप्त गर्नेले १५ हजार सहित मेडल ट्रफी र प्रमाण पत्र प्राप्त गरे।
अन्य खेलहरुमा मिक्स युगल, पुरुष एकल र मास्टर्स जोडी तर्फको प्रतियोगिता मंगलबार सम्पन्न भएको थियो। मिक्स युगल तर्फ शिर्ष तीन स्थान प्राप्त गर्नेले नगद ५० हजार, २५ हजार र १० हजारका साथै मेडल, ट्रफी र प्रमाण पत्र प्राप्त गरे। पुरुष एकल तर्फ विजयी शिर्ष तीन स्थान प्राप्त गर्ने खेलाडीले नगद २० हजार, १० हजार र ५ हजार प्राप्त गरे। मास्टर्स तर्फ शीर्ष तीनका खेलाडीले क्रमश ३५ हजार, १५ हजार र ७ हजारका साथै ट्रफी, मेडल र प्रमाण पत्र प्राप्त गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
