ताइपेइ– ताइवानका ९० प्रतिशत जागिरेहरूले आफूले गरिरहेको जागिर परिवर्तन गर्न चाहेको पाइएको छ।
ताइवानको अनलाइन जब बैंकले गरेको एक सर्वेक्षणमा सहभागी मध्ये ९० प्रतिशतले तलब थोरै भएकाले जागिर परिवर्तन गर्न चाहेको बताएका हुन्।
उनीहरुले चिनियाँ नयाँ वर्षपछि जागिर परिवर्तन गर्न चाहने गरेको पनि सोमबार सार्वजनिक भएको अध्ययनले देखाएको छ।
ताइवानमा झन्डै ९ लाख जना जागिरेहरु रहेको अनुमान गरिएको छ। उनीहरुले बढीमा दश वर्ष मात्रै खुसीका साथ काम गर्न सक्ने देखिएको छ।
जागिर परिवर्तन गर्न चाहने मध्ये ५५ प्रतिशतले तलबमा चित्त नबुझेकाले जागिर परिवर्तन गर्न चाहेको बताएका थिए।
त्यसैगरी कल्याणकारी सुविधा नभएको, स्तरोन्नतिको सम्भावना नभएको र रोजगारदाताप्रतिको उदासीनताका कारण जागिर परिवर्तन गर्न चाहनेहरुको सङ्ख्या पनि धेरै रहेको पाइएको छ।
अध्ययनमा सहभागीमध्ये ६५ प्रतिशतले पहिले देखि नै नयाँ जागिरका लागि खोजी गरिरहेको बताएका छन्।
अध्ययन प्रतिवेदनका अनुसार ८५ प्रतिशतले ताइवानभन्दा बाहिर धेरै तलब पाइने सुरक्षित जागिर खोजिरहेको जवाफ दिएका छन्।
गत डिसेम्बरदेखि यही जनवरी ४ तारिखसम्म गरिएको सर्वेक्षणमा ९ सय १२ कम्पनीका एक हजार २ सय ४ जनाले उत्तर दिएका थिए। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
