काठमाडौं- सरकारले काठमाडौंको त्रिपुरेश्वरस्थित नेपाल आँखा अस्पताललाई अस्पताल परिसरमै रहेको गुठीको जग्गा उपलब्ध गराउने भएको छ।
भूमि व्यवस्था, सहकारी तथा गरिवी निवारणमन्त्री पद्मा अर्यालले नेपाल आँखा अस्पतालको सेवा विस्तार गर्न अस्पताल परिसरमै रहेको गुठीको जग्गा उपलब्ध गराउने प्रतिबद्धता गरेकी हुन्।
त्यसका लागि सरकारले गुठीसँग कुरा गरिरहेको समेत उनले जानकारी दिइन्। सोमबार सो अस्पतालको स्तरोन्नति गरिएको ओपिडी हलको उद्घाटन गर्दै मन्त्री अर्यालले अस्पतालको मागअनुसार सेवा विस्तारका लागि अस्पताल परिसरको गुठीको जग्गा उपलब्ध गराउने प्रतिबद्धता जनाएकी हुन्।
अस्पतालको व्यवस्थापनमा सुधार आएको उल्लेख गर्दै विपन्न वर्गका लागि उपचारमा विशेष सहुलियतको व्यवस्था गर्न पनि अस्पतालका पदाधिकारीलाई निर्देशन समेत दिएकी थिइन्।
यसअघि स्वास्थ्य तथा जनसंख्या मन्त्रालयको जिम्मेवारी लिएलगत्तै मन्त्री अर्यालले सो अस्पतालको निरीक्षण गरेकी थिइन्। आफूले निरीक्षण गरेको बेलाभन्दा अस्पतालको व्यवस्थापनमा धेरै सुधार आएको मन्त्री अर्यालको भनाई थियो।
अस्पतालका प्रमुख कार्यकारी अधिकृत दमनबहादुर घलेले अस्पतालको स्तरोन्नति गर्ने क्रममा ओपिडी सेवा हलको स्तरोन्नति गरिएको बताए। दुई वर्षअघि अस्पतालले विश्व स्वास्थ्य संगठनको मापदण्डअनुसार अस्पतालको अपरेशन थिएटरको स्तरोन्नति गरेको थियो।
सरकारको पूर्ण स्वामित्वमा रहेको अस्पतालले ७० लाख लगानीमा ओपिडी सेवा हलको स्तरोन्नति गरेको हो। ओपिडी हल स्तरोन्नतिका लागि नेपाल आँखा अस्पताललाई क्यानाडास्थित अपरेसन आईसाईट युनिभर्सल नामक संस्थाले आर्थिक सहयोग उपलब्ध गराएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768563465.png)
-1768562733.png)
-1764146706.png)
-1768395492.png)
