नेपालगञ्ज– नेपालगञ्ज उपमहानगरपालिका–२३ हिरिमिनायामा निर्माणाधीन अत्याधुनिक ल्यान्डफिल साइट (फोहर प्रशोधन केन्द्र)को निर्माण कार्य अन्तिम चरणमा पुगेको छ।
‘अब तीन महीनाभित्र यसको निर्माण सकिन्छ र हामी सञ्चालनमा ल्याउँछौँ’, नगरप्रमुख डा धवल शमशेर राणाले भने, ‘नेपालगन्जले अब कम्तीमा ४० वर्षसम्म फोहरी शहरको नियति भोग्नु पदैन।’
अङ्ग्रेजी वर्ष २०१८ डिसेम्बरमा निर्माण सम्पन्न भइसक्नुपर्ने ल्यान्डफिल साइट निर्माणको सुरुवाती चरणमा जग्गा विवादका कारण ढिलाइ भएको थियो। ‘जग्गा विवादका कारण पटक–पटक म्याद थप गरिएकाले निर्माणमा ढिलाइ भए पनि अब त्यसो नहुने र ३ महिनाभित्र ल्यान्डफिल साइट सञ्चालनमा आउने छ’, नेपालगञ्ज उपमहानगरपालिकाका प्रवक्ता प्रमोद रिजालको भनाइ छ।
एसियाली विकास बैंकको सहयोगमा एकीकृत शहरी विकास आयोजनाअन्तर्गत ३३ करोड ८८ लाख २७ हजार रुपैयाँको लागतमा ल्यान्डफिल साइटको निर्माण कार्य सुरु भएको हो। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
