साफ महिला च्याम्पियनसिप आयोजना हुने विराटनगरको मैदान
काठमाडौं– विराटनगरमा हुने साफ महिला च्याम्पियनसिप २०१८ का लागि २ उपसमिति गठन गर्न अखिल नेपाल फुटबल संघ एन्फालाई सिफारिस गरिएको छ।
विराटनगरमा आयोजित कार्यक्रममा साफ महिला च्याम्पिन्सीप तयारीका लागि सचिवालय उपसमिति र मैदान ब्यवस्थापन उपसमिति बनाउन सिफारिस गरिएको एन्फा केन्द्रीय सदस्य एवं प्रवक्ता किरण राईले जानकारी दिए।
प्रवक्ता राईका अनुसार प्रतयिगोगिताको समय नजिकिएकाले तयारी समितिद्वारा सचिवालय उपसमितिका लागि एन्फाका सह महासचिव बसन्त अर्यालको संयोजनमा पाँच सदस्यको नाम सिफारिस भएको छ। जसमा जिल्ला फुटबल संघ मोरङका महासचिव ओमप्रकाश मास्के, सदस्य अभयकुमार राईसहित अन्य २ जना रहेकाछन्। त्यसैगरि, मैदान ब्यवस्थापन उपसमितिका लागि फुटबल संघ मोरङका अध्यक्ष दीपेन्द्र धिमालको संयोजकत्वमा मधुसुदन खनाल, मदन काफ्ले, अरुण लामा र राजु थापा रहेका छन्।
कार्यक्रममा साफ च्याम्पियनसिप तयारी समितिका संयोजक एवं एन्फाका उपाध्यक्ष पंकज विक्रम नेम्बाङले प्रदेश नम्बर एकले अन्तर्राष्ट्रिय प्रतियोगिता गर्ने सुनौलो अवसर पाएकोमा सबै मिलेर सफल बनाउन आग्रह गरे। प्रदेशसँगै विराटनगरवासीका लागि चुनौति र अवसर दुवै भएको उनले बताए।
त्यसैगरि, एन्फाका पूर्व मानार्थ उपाध्यक्ष सन्तोष बानियाँ साफको गरिमालाई सफल बनाउन सबैलाई समेट्नुपर्नेमा जोड दिएका थिए। त्यसैगरि एन्फाका सदस्य दिपक राईले च्याम्पियन्सीपका चुनौतिहरुलाई पहिचान गर्दै समन्वयमा कार्य गर्न आग्रह गरे। कार्यक्रममा उपस्थित पदाधिकारीले अन्र्तराष्ट्रिय टोलीका लागि उचित होटलको ब्यवस्थापन, सुरक्षा अवस्था तथा भौतिक संरचनालाई गम्भीरतापूर्वक लिनुपर्नेमा जोड दिएका थिए।
महिला साफको पाँचौ संस्करण फागुन २८ गतेदेखि चैत्र ८ गतेसम्म हुने विराटनगरमा हुँदैछ। जहाँ आयोजक राष्ट्र नेपालसँगै भारत, बंगलादेश, श्रीलंका, भुटान, पाकिस्तान, माल्दिभ्सको सहभागिता रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
