काठमाडौं- एभरेस्ट प्रिमियर लिग (इपिएल) टी-२० क्रिकेट प्रतियोगिताअन्तर्गत भैरहवा क्वालिफायर्समा प्रवेश गरेको छ। भैरहवाले बुधबार भएको खेलमा चितवन टाइगर्सलाई ४ विकेटले पराजित गर्दै क्वालिफायर्समा स्थान पक्का गरेको हो।
अब दोस्रो क्वालिफायर्समा भैरहवाले काठमाडौं किंग्स ११ सँग प्रतिस्पर्धा गर्नेछ। काठमाडौं र भैरहवाबीच बिहीबार प्रतिस्पर्धा हुनेछ। जित हात पार्ने टिम फाइनल पुग्नेछ। शनिबार हुने फाइनलमा ललितपुर प्याट्रिओट्स यसअघि पुगिसकेको छ।
बिहीबार कीर्तिपुर मैदानमा भएको एलिमिनेटरमा चितवनले दिएको १ सय ४० लक्ष्य भैरहवाले १८.२ ओभरमा ६ विकेट क्षतिमा पार गर्यो।
चितवनको जितमा रोहितकुमार पौडेलले नटआउट २४ रन र कुशल मल्लले नटआउट २७ रन जोडेका थिए। रोहितले १४ बलमा २ चौका र १ छ्क्का हिर्काए। कुशलले १३ बलमा २ चौका र २ छक्का हिर्काए।
चितवनका लागि ओपनर प्रदीप ऐरीले ४२ रन बनाए। उनले ३८ बलमा ६ चौका हिर्काए। अर्का ओपनर मोहमद नावीद भने ललितसिंह भण्डारीको बलमा भीम सार्कीबाट क्याच हुँदै पेभिलियन फर्किए। लगत्तै कमलसिंह ऐरीले रवि इन्दर सिंहलाई ४ रनमै जोन सिमसनबाट क्याच गराए। रायन टेन डोकास्टलाई पनि खाता नै खोल्न नपाइ कमलले दीपेन्द्रसिंह ऐरीको हातबाट आउट गराए।
कप्तान शरद भेषवाकरले २९ रन जोडे। उनले २७ बलमा ३ चौका हिर्काए। आरिफ शेखलाई पृथु बाँस्कोटाले रनआउटको सिकार बनाएपछि चितवन खेलमा हाबी देखिएको थियो।
बलिङमा चितवनका कमलसिंह ऐरीले ३ विकेट लिए। ललित भण्डारी र दीपेन्द्रसिंह ऐरीले १-१ विकेट लिए।
टस हारेर पहिले ब्याटिङ गरेको चितवन टाइगर्सले २० ओभरमा ८ विकेटको क्षतिमा १ सय ३९ रन जोड्यो। चितवनका लागि दीपेन्द्रसिंह ऐरीले अर्धशतक प्रहार गरे। जारी लिगमा नेपालको तर्फबाट बढी रन प्रहार गरेका दीपेन्द्रले ५६ रन प्रहार गरे। उनले ४५ बलमा ६ चौका र १ छक्का हिर्काए। जोन सिमसन र पाउल स्टर्लिङले १४-१४ रन जोडे। कमलसिंह ऐरीले ११ बलमा १३ रन जोडे। अन्य ब्याट्सम्यानले दोहोरो अंकमा रन बटुल्न सकेनन्।
बलिङमा भैरहवा ग्लाडिएटर्सका मोमहद नावीदले ३ विकेट लिए। अभिनास बोहोराले २ विकेट हात पारे। रायन टेन डोकास्टे, कृष्ण कार्की र भुवन कार्कीले १-१ विकेट लिए।
तस्बिर : भैरहवा ग्लाडिएटर्स
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
