रमेशको \'पोर्टर\' सार्वजनिक

इन्टरटेनमेन्ट लाइभ

नेपाल लाइभ शनिबार, मंसिर २९, २०७५ १९:३२

काठमाडौ‌ं– लेखक रमेश भण्डारीका कथा संग्रह ‘पोर्टर’ सार्वजनिक भएको छ। राजधानीमा आयोजित एक कार्यक्रमबीच आख्यानकार कृष्ण धरावासी, समालोचक राजकुमार बानियाँ, कवि शकुन्तला जोशी र लेखक स्वयंले किताबको विमोचन गरेका हुन्।

विमोचन कार्यक्रममा बोल्दै कवि शकुन्तला जोशीले पुस्तकमा सुधार गर्नुपर्ने केही कुराहरु बाहेक राम्रा कथा समावेश भएको बताइन्। उनले वर्तमान नेपाली कथाबारे मतहरु राखेकी थिइन्।

समालोचक राजकुमार बानियाँले कथाकार भण्डारीको पहिलो कृति भए पनि राम्रो सम्भावना देखिएको बताए। ‘रमेशसँग आफूमा भएको कथा भन्ने तरिका गज्जबको रहेको छ,’ उनले भने। त्यस्तै वरिष्ठ आख्यानकार कृष्ण धरावासीले कथाले आफूलाई तानेको बताएका थिए।

पुस्तकका लेखक रमेश भण्डारीले जीवनका विभिन्न कालखण्डमा अनेक घटना, पात्र, परिवेशले सुषुप्त अवस्थामा रहेको साहित्यिक चेतलाई छोएपछि त्यसलाई कथाको रुप दिएको बताए।

कथा संग्रहमा १८ कथा समावेश छन्। पुस्तकलाई इण्डिगो इंक पब्लिकेसनले बजारमा ल्याएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हावाहुरीको वितन्डाले लुम्बिनीमा पाँच जनाको मृत्यु, ८ घाइते

चीनमा नेपाललाई वर्ष २०२५ को ‘लोकप्रिय सांस्कृतिक गन्तव्य’ घोषणा

हावाहुरीले रुख ढल्दा च्यापिएर सुनवलमा २ जनाको मृत्यु