काठमाडौं– एभरेस्ट प्रिमियर लिग (इपिएल) टी-२० क्रिकेट प्रतियोगिताअन्तर्गत लगातार चौथो खेलमा पराजित भएको पोखरा राइनोज बाहिरिएको छ। प्रतियोगिताबाट बाहिरिने पहिलो टिम बनेको पोखरा चौथो खेलमा काठमाडौं किंग्स ११ सँग ५ विकेटले पराजित भयो।
यता ३ खेलमा दोस्रो जित हात पारेसँगै काठमाडौंको प्लेअफ पुग्ने सम्भावना बढेको छ।
शुक्रबार कीर्तिपुरस्थित टियू मैदानमा पोखराले दिएको १ सय ६६ रनको लक्ष्य काठमाडौंले ४ बल खेल्न बाँकी छदा ५ विकेटको क्षतिमा पार गर्यो।
काठमाडौंको जितमा केभिन ओ’ब्राइनले अर्धशतक प्रहार गरे। उनले ३५ बलमा नटआउट ५४ रन जोडे। जसमा ४ चौका र ३ छक्का प्रहार गरे।
काठमाडौंका लागि पहिलो खेल खेलेका रोहान मुस्ताफाले कप्तानी सम्हालेका थिए। नियमित कप्तान सोमपाल कामी घाइते भएपछि उनले कप्तानी पाएका हुन्। यूएई राष्ट्रिय टिमको समेत कप्तान रहेका उनले ४० रनको योगदान दिए। उनले ३१ बलमा ७ चौका हिर्काए। उनका ओपनिङ पार्टनर अमित श्रेष्ठ ११ रनमा आउट हुदा सागर पुनले शक्ति गौचनबाट बोल्ड हुनुअघि १६ बलमा १८ रनको योगदा नदिए। नरेश बुढाऐरलाई १ रन बनाएर खेलिरहदा केल कोइट्जरले रनआउटको सिकार बनाए। सुब्रमन्युन आनन्दले १८ बलमा २ छक्का प्रहार गर्दै २७ रन जोडे भने सिद्धान्त लोहनी १ बलमा ४ रनमा नटआउट रहे।
त्यसअघि टस हारेर पहिले ब्याटिङ गरेको पोखराले २० ओभरमा ६ विकेटको क्षतिमा १ सय ६५ रन जोड्यो। पोखराका लागि ओपनर रिचार्ड लेभीले ३८ रन जोडे। उनले २१ बलमा ४ चौका र ३ छक्का प्रहार गरे। कप्तान केल कोइट्जरले ३७ रन बटुले। विक्रम भुषालको बलमा सिद्धान्त लोहनीबाट क्याच हुनुअघि उनले२५ बलमा ६ चौका प्हरार गरे। सुनील धमला ९ रनमा आउट हुदा विनोद भण्डारीले ११ बलमा १७ रन जोडे। पाउल काउलिनले ३८ बलमा ३७ रनको योगदान दिए। उनले समान १–१ चौका र छक्का हिर्काए। राजेश पुलामी मगर ९ रनमा आउट भए। र विक्रम शोव र विपीन खत्री ३–३ रनमा अविजित रहे।
बलिङमा काठमाडौंमा केभिन ओब्रायम र विक्रम भुषालले २–२ विकेट लिए। मोहमद सांसद शेख र रोहान मुस्ताफाको नाममा १–१ विकेट रह्यो।
तस्बिर : काठमाडौं किंग्स ११
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
