काठमाडौं- एभरेस्ट प्रिमियर लिग (इपिएल) टी-२० क्रिकेट प्रतियोगिताअन्तर्गत भैरहवा ग्लाडिएटर्स प्लेअफमा प्रवेश गरेको छ। भैरहवाले बुधबार भएको खेलमा विराटनगर वारियर्सलाई ४ विकेटले पराजित गर्दै प्लेअफमा स्थान पक्का गरेको हो।
यता लगातार २ जित हात पारेको विराटनगर भने तेस्रो खेलमा पराजित भयो।
विराटनगरले दिएको ९२ रनको लक्ष्य भैरहवाले २ बल खेल्न बाँकी छदा ६ विकेटको क्षतिमा पार गर्यो। भैरहवाको जितमा रोहितकुमार पौडेलले नटआउट ७ रन र मोहमद नावीदले नटआउट ३ रन जोडे।
भैरहवाका ओपनरद्वय प्रदीप ऐरी १० रन र कुशल मल्ल ७ रनमै आउट भए। रवि इन्दर सिंहले पनि १६ बलमा १२ रन भन्दा बढी जोड्न सकेनन्। रायन टेन डोकास्टेलाई २० रन बनाएर खेलिरहदा बसन्त रेग्मीले भान डेर मार्वीबाट क्याच गराए। कप्तान शरद भेषवाकर २३ बलमा १६ रन जोडेर आउट भएका थिए। आरिफ शेखले १ रन भन्दा बढी जोड्न सकेनन्।
बलिङमा विराटनगरका भान डेर मार्वीले २ विकेट लिए। करण केसी, भान मीकेरेन, रोविन क्षेत्री र बसन्त रेग्मीले १-१ विकेट हात पारे।
टस हारेर पहिले ब्याटिङ गरेको विराटनगरको ब्याटिङ राम्रो हुन सकेन। विराटनगर १८.४ ओभरमा ९१ रनमा अलआउट भयो। ओपनिङमा आएका कप्तान पारस खड्का १ रन तथा उनका ओपनिङ पार्टनर अनिलकुमार साह ४ रनमा आउट भए।
पारसलाई कृष्ण कार्कीले शरद भेषवाकरको क्याच गराए। अनिललाई मोहमद नाविदले रोहितकुमार पौडेलबाट क्याच गराए। लगत्तै बाबर हायतलाई कृष्ण कार्कीले ६ रनमै आउट गरे। आरिफ शेखलाई पनि नवीदले डकआउटको सिकार बनाए।
विराटनगरले छैटौं ओभर चलिहरदा महत्वपूर्ण ४ गुमाएको थियो भने २० रन मात्र जोड्न सक्यो।
त्यसपछि भान डेर मार्वीले २५ रन जोडेर विराटनगरलाई अघि बढाउन कोशिस गरे। सुमीत महर्जनले १५ रन जोडे भने करण केसीले १५ बलमा १८ रनको योगदान दिए। बसन्त रेग्मी ५ रन, रोविन क्षेत्री ० र भान मीकेरेन २ रनमा आउट भए। हरि चौहानले नटआउट १३ रन जोडे।
बलिङमा भैरहवाका मोहमद नावीदले ४ विकेट लिए। उनले ४ ओभरमा १४ रन खर्चिए। कृष्ण कार्की र अभिनास
बोहोराले २-२ विकेट लिए भने रायन टेन डोकास्टेले र शरद भेषवाकरले १-१ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
