दाङ– गुडिरहेको मोटरसाइकलमा अचानक आगो लागेको छ। इलाका प्रहरी कार्यालय मलबार दाङका प्रहरी सहायक निरीक्षक प्रदीपकुमार खड्का चढेको मोटरसाइकलमा आगो लागेको हो।
तुलसीपुरको जसपुरबाट पेट्रोल लगेर कार्यालय जाने क्रममा एक्कासि आगो लाग्दा ४३ वर्षीय प्रहरी सहायक निरीक्षक खड्काको दुवै खुट्टा र हात जलेको इलाका प्रहरी कार्यालय तुलसीपुरका प्रहरी नायवब उपरीक्षक प्रेमबहादुर शाहीले बताए।
खड्का सवार कार्यालयको बा२प २४५९ नम्बरको मोटरसाइकल ढुंगामा घिस्रिंदा आगलागी भएको प्रहरी नायव उपरीक्षक शाहीले बताए।
घटना आइतबार साँझ तुलसीपुर उपमहानगरपालिका– १२ हरिपौरा गनारीमा भएको प्रहरीले जनाएको छ। घाइते खड्काको राप्ती अञ्चल अस्पताल तुलसीपुरमा उपचार भइरहेको छ। मोटरसाइकल पूर्ण रुपमा जलेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
