काठमाडाैं– ऐतिहासिक, सामाजिक तथा सांस्कृतिक सद्भाव कायम गर्न आह्वान गर्दै काठमाडौं–जनकपुर साइकल यात्रा सूरु गरिएको छ।
हिन्दु धर्मको पवित्र तीर्थस्थल काठमाडौंको पशुपतिनाथबाट साइकल यात्रा सुरु गरिएको हो।
आइतबार बिहान पशुपतिनाथ परिसरमा उपप्रधानमन्त्री एवम् रक्षामन्त्री ईश्वर पोखरेलले राष्ट्रिय झण्डा र रुद्राक्षको माला साइकल यात्रीलाई लगाइदिएर साइकल यात्राको शुभारम्भ गरे।
८५ जना साइकल यात्री सहभागी रहेको यात्रा वीर पूर्खाहरूले तत्कालीन अंग्रेज शासकलाई हराएको ऐतिहासिक स्थल सिन्धुलीगढी हुँदै धार्मिक नगरी जनकपुरस्थित रामजानकी मन्दिरमा पुगेर समापन हुनेछ।
जनकपुरमा विवाह पञ्चमीको अवसर पारेर सो यात्रा आयोजना गरिएको हो। कार्यक्रममा बोल्दै उपप्रधानमन्त्री पोखरेलले यो साइकल यात्राले पर्यटकीय क्षेत्रको मात्रै नभएर मुलुकको राजनीतिक, आर्थिक तथा देशभक्तिको भाव जागृत गर्न महत्वपूर्ण भूमिका निर्वाह गर्ने विश्वास व्यक्त गरे।
उनले नेपाली वीरहरूले देशको रक्षाका लागि देखाएको वीरतापूर्ण संघर्षको पनि सो साइकल यात्राले स्मरण गराएको बताए।
आइतबार पशुपतिनाथबाट सुरु भएको यात्रा ४ दिनमा २ सय २५ किलोमिटर पार गरी जनकपुरस्थित जानकी मन्दिरमा पुगेर समापन हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
