प्रधानमन्त्रीबाट अपमानित भएको भन्दै नेकपाका शीर्ष नेताहरुद्वारा सचिवालय बैठक बहिस्कार

नेपाल लाइभ

नेपाल लाइभ शनिबार, मंसिर २२, २०७५ १५:४७

काठमाडौं– शनिबार बस्ने भनिएको नेपाल कम्युनिस्ट पार्टी (नेकपा) को सचिवालय बैठक चार नेताले बहिस्कार गरेका छन्।

दिउँसो ३ बजेको लागि बैठक बोलाइएको थियो।

निर्धारित समयमा बैठक बस्नका लागि पुगे पनि प्रधानमन्त्री नआएपछि आफूहरुले अपमानित महसुस गरेर बैठक छाडेर निस्किएको नेता झलनाथ खनालले बताए। सचिवालयका सदस्यहरु माधवकुमार नेपाल, झलनाथ खनाल, नारायणकाजी श्रेष्ठ र बामदेब गौतम बाहिरिएका खनालले बताए।

शुक्रबारको बैठक पनि प्रधानमन्त्रीको व्यस्ततका कारण शनिबारको लागि सारिएको थियो।

समयमा बैठकमा सुरु नहुने गरेका कारण प्रवक्ता नारायणकाजी श्रेष्ठले यसअघि पनि आपत्ति जनाएका थिए। त्यसपछि समयमै बैठक बस्ने समझदारी भएको थियो।

'बैठक सुरु नभए १५ मिनेट कुर्ने नभए जानकारी गराउने सहमति थियो तर प्रधानमन्त्रीबाट कुनै जानकारी नआएपछि हामी बाहिरियौं,' नेता श्रेष्ठले भने।

आफूहरुको यो कदम पार्टीमा सिस्टम विकास गर्नको लागि भएको श्रेष्ठले बताए। 'यो कसैका विरुद्ध होइन', श्रेष्ठले भने, 'हामी स्वयंलाई सचेत पार्नका लागि हो। पार्टीलाई सिस्टममा लैजानका लागि गरिएको पहलकदमी हो।'

अपडेटः

समयमै सचिवालय बैठक सुरु हुन नसकेको भन्दै चार शीर्ष नेताहरु बाहिरिए पनि नेकपा सचिवालय बैठक सुरु भएको छ। बैठकमा अन्य सदस्यहरु सहभागी छन्।

दुई अध्यक्ष केपी शर्मा ओली, पुष्पकमल दाहाल प्रचण्ड, महासचिव विष्णु पौडेल, ईश्वर पोखरेल र रामबहादुर थापा सहितको बैठक बालुवाटारमा बसिररहेको छ।

‘औपचारिक वा अनौपचारिक बैठक थाहा भएन। पाँच जनाको बैठक बसिरहेको छ,’ बालुवाटार स्रोतले भन्यो।

दिउँसो ३ बजे बस्ने भनिएको बैठक २० मिनेट ढिलो भएको भन्दै सचिवालयका सदस्यहरु माधवकुमार नेपाल, झलनाथ खनाल, नारायणकाजी श्रेष्ठ र बामदेव गौतम बाहिरिएका थिए।

क्यान्सरपीडितका तर्फबाट प्रधानमन्त्रीलाई भेट्न आएको एक समूहसँग अध्यक्षद्वयले वार्ता गरिरहँदा उता बैठक बहिस्कार गर्दै नेताहरु निस्किएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो