काठमाडौं– राष्ट्रिय तथा अन्तर्राष्ट्रिय खेलाडी संघले यो वर्ष २९ खेलका उत्कृष्ट खेलाडीहरुलाई पुरस्कृत गर्ने भएको छ।
_x000D_
_x000D_
ललितपुरमा पत्रकार सम्मेलन गर्दै राष्ट्रिय तथा अन्तर्राष्ट्रिय खेलाडी संघले छनोट गरिएका २९ खेलबाट एक–एक खेलाडीलाई ‘वर्ष उत्कृष्ट अवार्ड’ दिइने बताएको हो। आगामी पुष १३ गते हुने कार्यक्रममा २०७४ सालभरि विभिन्न अन्तर्राष्ट्रिय प्रतियोगितामा गरेको प्रदर्शनका आधारमा खेलाडीहरुलाई पुरस्कृत गरिने छ।
_x000D_
_x000D_
पुरस्कृत हुने खेलाडीले जनही १० हजार रुपैयाँ प्राप्त गर्नेछन्।
_x000D_
_x000D_
यस्तै, अन्तर्राष्ट्रिय धावक गजराज जोशीको नाममा रहेको ‘गजराज जोशी आदर्श खेलाडी सम्मान’ पनि सोही कार्यक्रममा नै प्रदान गरिने संघले बताएको छ। गजराज जोशी आदर्श खेलाडीको सम्मान पाउनेले नगद २५ हजार रुपैयाँ पनि पाउने छन्।
_x000D_
_x000D_
यसअघि संघले ३५ खेलका खेलाडीलाई सम्मान गर्दै आएको भए पनि यो वर्ष २९ वटा खेलका उत्कृष्ट खेलाडी मात्र पुरस्कृत हुनेछन्।
_x000D_
_x000D_
यो वर्ष पुरस्कृत हुने खेलहरु फुटबल, पौडी, भलिबल, टेबलटेनिस, सुटिङ, बक्सिङ, भारत्तोलन, लन टेनिस, सफ्ट टेनिस, कबड्डी, फेन्सिङ, हक्की, स्क्वास, सेपाताक्रो, साइक्लिङ, खोःखो, बास्केटबल, आइटिएफ तेक्वान्दो, ब्याटमिन्टन, ट्रायथलन, ह्यान्डबल, कराँते, जुडो, तेक्वान्दो, उसु, आर्चरी, एथ्लेटिक्स, गल्फ र कुस्ती रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
