काठमाडौं– सञ्चालनमा रहेका २८ वाणिज्य बैंकमध्ये ३ वटा बैंक थप ऋण दिन नसक्ने अवस्थामा पुगेका छन्। ऋण दिन नसक्ने बैंकहरुमा सिभिल बैंक, सेन्चुरी कमर्सियल बैंक र एनआइसी एसिया बैंक हुन्।
_x000D_
_x000D_
राष्ट्र बैंकका एक उच्च अधिकारीका अनुसार पछिल्लो समय यी बैंकहरुको कर्जा पूँजी निक्षेप अनुपात (सिसिडी रेसियो) ८० प्रतिशत पुगेका कारण थप ऋण दिन नसक्ने अवस्थामा पुगेको जनाएका छन्। बैंकहरुले सिसिडी रेसियो बढीमा ८० प्रतिशतसम्म बनाउन पाउँछन्।
_x000D_
_x000D_
त्यस्तै, पछिल्लो तथ्यांकअनुसार अन्य ७ बैंकको सिसिडी रेसियो ७९ प्रतिशत पुगेकाले यी बैंकहरु पनि ऋण दिन नसक्ने अवस्थामा पुग्न लागेको उनले जानकारी दिए।
_x000D_
_x000D_
यी बैंकहरुले सार्वजनिक गरेको चालू आर्थिक वर्ष २०७५/०७६ को पहिलो त्रैमासको वित्तीय विवरणमा सिसिडी रेसियो ७९ प्रतिशत भन्दा उच्च रहेको देखिन्छ।
_x000D_
_x000D_
असोज मसान्तसम्ममा सिभिल बैंक ७९.९७, सेन्चुरी कमर्सियल बैंकको ७९.५ र एनआइसी एसिया बैंकको ७७.७८ प्रतिशत सिसिडी रेसियो थियो। राष्ट्र बैंक अधिकारीका अनुसार अहिले यी बैंकको सिसिडी रेसियो ८० प्रतिशत पुगिसकेको छ। ती अधिकारीका अनुसार पछिल्लो केही बैंकको सिसिडी रेसियोमा सुधार आए पनि अझै केही बैंकको भने सिसिडी रेसियो उच्च रहेको बताए।
_x000D_
_x000D_
बैंकहरुले प्रकाशित गरेको असोज मसान्तसम्मको वित्तीय विवरणअनुसार सिटिजन्स बैंक इन्टरनेसनल, मेगा बैंक नेपाल, जनता बैंक नेपाल, नेपाल बंगलादेश बैंक, सिद्धार्थ बैंक, नेपाल क्रेडिट एन्ड कमर्स बैंक (एनसिसी), माछापुच्छ्र्रे बैंक, सानिमा बैंकलगायतका बैंकहरु थप कर्जा प्रवाह गर्न नसक्ने अवस्थामा पुगेको दखिन्छ। यी बैंकको सिसिडी रेसियो असोज मसान्तमा नै ७९ प्रतिशत भन्दा माथि थियो।
_x000D_
_x000D_
सिटिजन्स बैंकको ७९.६ प्रतिशत, मेगा बैंकको ७९.६१, जनता बैंकको ७९.५२, नेपाल बंगलादेश बैंकको ७९.४७, सिद्धार्थ बैंकको ७९.५ प्रतिशत र प्राइम बैंकको ७९.८० प्रतिशत सिसिडी रेसियो पुगेको थियो।
_x000D_
_x000D_
राष्ट्र बैंकले सिसिडी रेसियो ८० प्रतिशत भन्दा बढी पुगेका बैंकलाई कारबाही गर्नुपर्ने व्यवस्था छ। तर, राष्ट्र बैंकले कारबाही नगरेपछि बैंकहरुले ८० प्रतिशत सिसिडी रेसियो नघाएका छन् भने जोखिम न्यूनीकरणका लागि राखिएको २० प्रतिशत रकमबाट पनि ऋण लगानी गर्दै आएका छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
