काठमाडौं– भूमिहीन नागरिकले अब आवास पनि पाउने भएका छन्।
_x000D_
_x000D_
सहरी विकास मन्त्रालयले भूमिहीन नागरिकलाई पनि आवासको व्यवस्था गर्ने कार्यविधि बनाएसँगै भूमिहीनहरुले पनि जग्गा र आवास दुवै पाउने भएका हुन्। सहरी विकास मन्त्री मोहम्मद इस्तियाक राईले भूमिहीन नागरिकलाई आवास बनाउन जग्गासमेत उपलब्ध गराउने कार्यविधि तय गरिएको जानकारी दिए।
_x000D_
_x000D_
कार्यविधि बनेसँगै भूमिहीनहरुले आवास नपाउने अवस्था अब नरहेको मन्त्री राईको दाबी छ। बिहीबार संघीय संसदको विकास तथा प्रविधि समितिको बैठकमा बोल्दै उनले जनता आवास कार्यक्रमले अब गति लिने पनि बताए। मन्त्री राईले जनता आवास कार्यक्रममा अनियमितता गरेको पाइए कडा कारबाही गर्ने चेतावनी पनि दिए।
_x000D_
_x000D_
बैठकमा समितिका सदस्यहरुले जनता आवास कार्यक्रममा भ्रष्टाचार हुने गरेको भन्दै सरकारको चर्को आलोचना गरेका थिए। मन्त्री राईले त्यसको जवाफ दिँदै भ्रष्टाचार गरेको पाइए दोषीमाथि कडा कारबाही गर्न सरकार प्रतिबद्ध रहेको पनि बताए।
_x000D_
_x000D_
बैठकमा समितिका सदस्यहरुले भूमिहीन नागरिकहरुलाई उच्च प्राथमिकता दिएर जनता आवास काईक्रमलाई प्रभावकारी बनाउन सरकारलाई सचेत गराएका थिए। समितिका सदस्य एवम् राष्ट्रिय जनता पार्टी, नेपालका नेता महेन्द्रराय यादवले भूमिहीनलाई उच्च प्राथमिकता दिएर जनता आवास कार्यक्रमलाई अघि बढाउन सरकारको ध्यानाकर्षण गराए।
_x000D_
_x000D_
उनले तराईमा दलित जातिहरु जमिनको अभावमा जनता आवास कार्यक्रमबाट वञ्चित हुनुपरेको भन्दै सरकारलाई सचेत गराए।
_x000D_
_x000D_
समितिका अर्का सदस्य एवम पूर्व प्रधानमन्त्री झलनाथ खनालले एकीकृत बस्ती विकास कार्यक्रमलाई व्यापक छलफल गरेर अघि बढाउन सरकारसँग आग्रह गरे। उनले सहरी बस्ती विकास कार्यक्रमलाई अघि बढाउन ढिलाइ नगर्न पनि सरकारको ध्यानाकर्षण गराए।
_x000D_
_x000D_
बैठकमा समितिका सदस्यहरुले सहरी विकास योजनाको काम अघि बढाउन नसकेको भन्दै सरकारको आलोचना गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772726043.png)
-1764146706.png)
