काठमाडौं– पछिल्लो समय रोजगारीका लागि दक्षिण कोरिया जाने नेपाली महिलाको संख्या बढ्दै गइरहेको छ। गएका १० वर्षमा रोजगार अनुमति प्रणाली (इपिएस) प्रणालीमार्फत ३ हजार ४ सय ४० जना महिला रोजगारीका लागि कोरिया पुगेको वैदेशिक रोजगार इपिएस कोरिया शाखाले जानकारी दिएको छ।
_x000D_
_x000D_
सन् २००८ मा ८१ जना महिला दक्षिण कोरिया गएका थिए। यो संख्या बढेर २०१८ मा आइपुग्दा ३ सय ६० पुगेको शाखाले जनाएको छ। यस अवधिमा इपिएस प्रणालीमार्फत ५७ हजार ६ सय ७९ जना कोरिया रोजगारीका लागि पुगेका शाखाले जनाएको छ। हाल कोरियामा करिब ३५ हजार नेपाली कार्यरत छन्।
_x000D_
_x000D_
सन् २००८ मा २ हजार ७६ सय ३३ पुरुष र ८१ महिला गरी जम्मा २ हजार ८ सय १४ जना कोरियन भाषा पास गरी कोरिया पुगेका थिए। सन् २००९ मा यो संख्यामा केही कमी आएको थियो। सो वर्ष १ हजार ८ सय पुरुष र ६४ जना महिला गरी जम्मा १ हजार ९ सय ११ जना कोरिया पुगे।
_x000D_
_x000D_
तर सन् २०१० देखि यो संख्या निरन्तर वृद्धि हुँदै आएको छ। सो वर्ष एक हजार ९ सय पुरुष र ४ सय २२ महिला गरी २ हजार ३ सय ३९ जना कोरिया गए। यसैगरी, २०११ मा ३ हजार ८ सय ४६ पुरुष र १ सय ३७ महिला गरी ३ हजार ९ सय ८३ जना कोरिया रोजगारीमा गएको शाखाले जानकारी दिएको छ। हालसम्म ३ हजार ४ सय ४० जना नेपाली महिला इपिएसमार्फत कोरिया पुगिसकेका छन्। सन् २०१६ मा सबैभन्दा बढी ५ सय ७८ जना महिला दक्षिण कोरिया पुगेका थिए।
_x000D_
_x000D_
विस्तृत विवरण तालिकामाः
_x000D_
_x000D_
_x000D_
_x000D_
सन २०१२ देखि कोरिया सरकारले नेपालका लागि कोटा बढी छुट्याउन थालेको थियो। विगत १० वर्षमा इपिएस प्रणालीमार्फत कोरिया सरकारले कोरियन भाषा प्रणालीमार्फत नेपाली कामदारको कोटा वार्षिक रुपमा बढाइरहेको शाखाका प्रमुख कृष्णप्रसाद खनालले बताएका छन्।
_x000D_
_x000D_
कोरियाको रोजगारी नेपाली युवाका लागि आकर्षक हुने भएकाले नेपाल सरकारले पनि कोटा वृद्धि गर्न पहल गर्दै आएको उनले बताए। 'विगत केही वर्षदेखि नेपाली महिलाको रोजगाइमा कोरियाको रोजगार पर्ने थालेको छ। महिला पनि कोरियन भाषा परीक्षामा उतिकै अब्बल सावित हुँदै आएका छन्। नेपाली महिलाका लागि कोरिया सुरक्षित भएका कारण पनि उनीहरूको रोजाईमा कोरिया पर्ने थालेको हो,’ उनले भने।
_x000D_
_x000D_
कोरियाली रोजगारदाताका नजरमा नेपाली कामदार इमान्दार, मेहेनती र अवैधानिक बस्नेको संख्या कम हुदाँ अन्य देशको कोटा काटेर भएपनि नेपालका लागि कोटा बढाइरहेको शाखाका प्रमुख खनालको भनाइ छ।
_x000D_
_x000D_
सरकारीस्तरमा श्रम सम्झौता गरी सन् २००८ बाट इपिएस प्रणालीमार्फत नेपाली कामदार कोरिया जान थालेका हुन्। दस वर्षको अवधिमा करिब ९ लाख नेपाली कोरियन भाषा परीक्षामा सामेल भएको शाखाले जनाएको छ।
_x000D_
_x000D_
आगामी वर्षका लागि कोटा वृद्धि
_x000D_
रोजगार अनुमति प्रणाली (इपीएस) मार्फत आपूर्ति हुने नेपाली कामदारका लागि कोटा वृद्धि गर्ने तयारी दक्षिण कोरियाले गरेको छ। सन् २०१९ मा करिब १० हजार नेपाली इपिएस प्रणालीमार्फत आपूर्ति गर्ने गरी कोरिया सरकारले प्रक्रिया अघि बढाएको बताइएको छ।
_x000D_
_x000D_
सन् २०१८ मा करिब ८ हजार नेपालीले कोरियाली भाषा पास गरेका थिए। जसमा १ हजार १ सय ९८ जना महिला थिए। यी मध्ये ७ हजार ७ सय ७१ मात्र रोजगारीका लागि आवेदन दिए, भने ७ हजार ४ सय ८१ जना कोरिया पुगिसकेका छन्।
_x000D_
_x000D_
सन् २०१८ का लागि आवेदन दिएका कामदारको संख्या कम हुन थालेपछि अघिल्ला वर्षमा कोरियाली भाषा पास गरी प्रतीक्षासूचीमा रहेका थप ४ हजार जनाको नाम रोष्टर (रोजगारयोग्य कामदारको प्रतीक्षासूची) मा राख्न कोरिया पठाएको शाखाका सूचना अधिकार शोभाकर भण्डारीले जानकारी दिएका छन्। रोष्टरमा नाम राखेकामध्ये केही युवाको श्रम सम्झौता समेत आउन थालेको समेत उनले जानकारी दिए।
_x000D_
_x000D_
रोजगार आवेदन दिँदा नाम र फोटो नमिलेर प्रमाणीकरण हुन नसकेका नेपालीको विवरण सुधार भएपछि रोजगार आवेदन दिएका बाँकी युवाको नाम रोष्टर राख्ने तयारी भइरहेको शाखाले जनाएको छ।
_x000D_
_x000D_
कोरियाले नेपालसहित १६ देशबाट कामदार आपूर्ति गर्दै आइरहेको छ। अन्य देशका तुलनामा अवैधानिक भई कोरिया बस्ने नेपाली कामदारको संख्या कम भएको, लगनशील र इमान्दार भएका कारण कोरियाले समेत नेपाली कामदारलाई प्राथमिकता दिँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
