काठमाडौं– नेपाली राष्ट्रिय क्रिकेट टोलीका लेग स्पिनर सन्दीप लामिछाने यतिबेला यूएईमा जारी टी–१० लिगमा व्यस्त छन्। उनले यही मङ्सिर २२ देखि शुरु हुने एभरेष्ट प्रिमियर लिग (इपिएल) मा ललितपुर प्याट्रियट्सको प्रतिनिधित्व गर्नेछन्।
_x000D_
_x000D_
तर अष्ट्रेलियाको बिग ब्यास लिगमा समेत सहभागिता जनाएका उनले इपिएलको सुरुआती दुई खेलमात्र खेल्ने भएका छन्। ललितपुर प्याट्रियट्सका अध्यक्ष किशोर महर्जनले पत्रकार सम्मेलनमा भने, “सन्दीपले मङ्सिर २२ मा विराटनगर वारियर्स र मङ्सिर २३ मा चितवन टाइगर्स विरुद्धको खेलमा मात्र सहभागीता जनाउनेछन्।”
_x000D_
_x000D_
मङ्सिर २२ गतेदिख शुरु हुने एभरेष्ट प्रिमियर लिग (इपिएल) टी–२० क्रिकेट प्रतियोगिताका लागि ललितपुर प्याट्रियसले ज्ञानेन्द्र मल्लको कप्तानीमा १८ सदस्यीय टोलीको घोषणा गरेको छ ।
_x000D_
_x000D_
ललितपुरले राष्ट्रिय टोलीका उपकप्तान समेत रहेका मल्लको नेतृत्वमा तीन भारतीय खेलाडीसहित १८ जनाको नाम सार्वजनिक गरेको छ ।
_x000D_
_x000D_
टिममा कप्तान मल्लसहित भारतीय खेलाडी जयकिशन कोल्शावाला, सन्नी पटेल र गौरब तोमार छन् । त्यसैगरी टोलीमा सन्दीप लामिछाने, ललित राजवंशी, सोनु तामाङ, कुशल भूर्तेल, शंकर राना, रसिद खान, पवन सार्राफ, सन्दीप जोरा, नारायण जोशी, योगेन्द्र सिंह कार्की छन् ।
_x000D_
_x000D_
इपिएलका लागि ललितपुरले खेलाडीका लागि मात्र रु ३५ देखि ४० लाख खर्च गर्न लागेको जनाएको छ। खेलाडीको सबै सुविधाका लागि उनीहरुले अघिल्लो संस्करणको भन्दा झण्डै तेब्बर रकम खर्च क्लबको भनाइ छ।
_x000D_
_x000D_
इपिएल यही मङ्सिर २२ गतेदिख शुरु भई पुस ७ गतेसम्म कीर्तिपुरस्थिति त्रिवि मैदानमा हुनेछ। आयोजक एभरेष्ट प्रिमियर लिग प्रालिका अनुसार प्रतियोगितामा ६ शहरका ६ टोली विराटनगर वारियर्स, भैरहवा ग्लाडिएटर्स, काठमाडौँ किङ्ग्स ११, ललितपुर प्याट्रियस, चितवन टाइगर्स र पोखरा राइनोजले प्रतिस्पर्धा गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
