घोराही– तराईका पाँच जिल्लामा घरेलु कामदारका रूपमा बसेका ७९ कमलरीलाई मुक्त गर्न सम्वद्ध व्यक्तिहरूले आग्रह गरेका छन्।
_x000D_
_x000D_
लामो समयसम्म मालिकको कमलरी बसेर मुक्त भएका कमलरीहरूले प्रदेश नं ५ का मुख्यमन्त्री शङ्कर पोखरेल दाङ आएको मौकामा उक्त आग्रह गरेका हुन्।
_x000D_
_x000D_
सरकारले विसं २०७० असार १३ गते कमलरी मुक्तिको घोषणा गर्नाका साथै आन्दोलनमा उत्रिएका कमलरीसँग १० बुँदे सम्झौता पनि गर्यो।
_x000D_
_x000D_
उक्त सम्झौतापत्रमा दाङ, बाँके, बर्दिया, कैलाली र कञ्चनपुर जिल्लाका विभिन्न व्यक्तिको घरमा कमलरी बसेकालाई यथाशक्य चाँडो उद्धार गर्नुपर्ने बुँदा उल्लेख भएपनि अझैसम्म कार्यान्वयन नहुँदा अझै ७९ थारू बालिका कमलरी बस्न बाध्य छन्।
_x000D_
_x000D_
मुक्त कमलरी विकास मञ्चकी केन्द्रीय अध्यक्ष सुनिता चौधरीले अझै पनि तराईका जिल्लामा थारू चेली कमलरीको रूपमा मालिकको घरका काम गरिरहेकोे मुख्यमन्त्रीलाई जानकारी गराएकी थिइन्। उनका अनुसार कञ्चनपुरमा ६, कैलालीमा २२, बर्दियामा २९, बाँकेमा ४ र दाङमा १८ थारू बालिका बालश्रमिकको रूपमा मालिकको घरमा काम गरिरहेका छन्।
_x000D_
_x000D_
अध्यक्ष चौधरीले वेपत्ता कमलरीको अभिलम्ब खोजी गरी उद्धार गर्न, मालिकको यौनशोषणबाट कुमारी आमा बनेकालाई न्याय दिन र कमलरीमाथि भएका घरेलु हिंसा तथा यौन हिंसाकाका पीडितलाई कारवाहीको दायरामा ल्याउनुपर्नेमा पनि जोड दिइएको बताए।
_x000D_
_x000D_
मागपत्र बुझ्दै मुख्यमन्त्री पोखरेलले आफूले कमलरीको समस्या सम्बोधनका लागि पहल थाल्ने आश्वासन दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
