काठमाडौं– मनाङ मर्स्याङ्दी क्लब सहिद स्मारक 'ए' डिभिजन लिगको शीर्ष स्थानमा उक्लिएको छ। मंगलबार भएको खेलमा मनाङ सशस्त्र प्रहरी बलको एपिएफ क्लबलाई २–१ गोलले पराजित गरेर पुन: शीर्ष स्थानमा फर्किएको हो।
_x000D_
_x000D_
एन्फा कम्प्लेक्स सातदोबाटोमा भएको खेलमा मनाङले १९ मिनेटमा अजेलाजा सोमिडेको गोलबाट अग्रता लियो। तर २७ मिनेटमा एपिएफले बराबरी गो फर्काउन सफल भयो। एपिएफका लागि नवीन लामाले पेनाल्टीमार्फत गोल गरेर बराबरी गर्न सफल भएका हुन्। मनाङका डिफेन्डरले डिबक्स भित्र ह्यान्ड गरेपछि एपिएफले पेनाल्टी अवसर पाएको थियो।
_x000D_
_x000D_
पहिलो हाफ सकिन १ मिनेट बाँकी छदा मनाङले खेलमा दोस्रो पटक अग्रता लिन सफल भयो। मनाङका लागि अन्जन विष्टले गोल गरेका थिए। उनले पनि पेनाल्टीमै गोल गरेका थिए।
_x000D_
_x000D_
दोस्रो हाफमा मनाङले गोल गर्ने २ वटा सुन्दर मौका पाए पनि एपिएफका गोलकिपर अमृत चौधरी बाधक बनेका थिए। जसले गर्दा खेल २–१ मै टुंगियो।
_x000D_
_x000D_
अंक तालिकामा मनाङ ४ खेलबाट १२ अंक जोड्दै शीर्ष स्थानमा छ। यस्तै दोस्रो स्थानको त्रिभुवन आर्मी क्लबले ४ खेलबाट १० अंक जोडेको छ। थ्रीस्टार क्लब र संकटा क्लबको ९–९ अंक छ।
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
