काठमाडौं– सहिद स्मारक 'ए' डिभिजन लिगमा सरस्वती युवा क्लबले दोस्रो जित हात पारेको छ। सरस्वतीले मंगलबार एन्फा कम्प्लेक्समा भएको खेलमा ब्रिगेड ब्वाइज क्लबलाई २–१ गोल अन्तरले पराजित गरेको हो।
_x000D_
_x000D_
सरस्वतीले खेलको तेस्रो मिनेटमै गोल गरेर सुरुवाती अग्रता लियो। सरस्वतीका लागि विनोद केसीले गोल गरे। उनलाई गोल गर्न दिपेश श्रेष्ठले उपलब्ध गराएको पास उपयोग गरेका थिए।
_x000D_
_x000D_
सातौं मिनेटमा ब्रिगेडले बराबरी गोल फर्काउन सफल भयो। ब्रिगेडका विदेशी खेलाडी काजिम बुसारीले बराबरी गोल फर्काउँदै टिमलाई खेलमा फर्काएका थिए।
_x000D_
_x000D_
५२ मिनेटमा सरस्वतीले फेरि अग्रता लियो। फ्रान्सिस ओयुन्माले सरस्वतीका लागि दोस्रो गोल गरे। उनकै गोल निर्णायक बन्दा सरस्वतीले लिगमा दोस्रो जित हात पार्न सफल भयो।
_x000D_
_x000D_
_x000D_
_x000D_
यसअघि पहिलो खेलमा सरस्वती संकटासँग अन्तिम समयमा १–० गोल अन्तरले पराजित भएको थियो। दोस्रो खेलमा सरस्वतीलाई हिमालन शेर्पले १–० गोल नै हराएको थियो। तेस्रो खेलमा फ्रेन्ड्सविरुद्ध ३–० को जित निकालेको थियो ।
_x000D_
_x000D_
जितसँगै सरस्वती ४ खेलबाट ६ अंक जोडेर सातौं स्थानमा उक्लिएको छ।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
