काठमाडौं– युएईमा भइरहेको टी–१० लिगको सुरुवाती ३ खेलमा लगातार विकेट लिएका नेपालका युवा लेग स्पिनर सन्दीप लामिछाने चौथो खेलमा भने चल्न सकेनन्। सोमबार भएको खेलमा सन्दीप नचलेको खेलमा केरला नाइट्सलाई पञ्जाव लिजेन्ड्सले ३६ रनले पराजित गर्यो।
_x000D_
_x000D_
पहिले ब्याटिङ गरेको पञ्जावले १० ओभरमा ५ विकेटको क्षतिमा १ सय ७ रन जोड्यो। पञ्जावका लागि उमर अकमलले १७ बलमा ३० रन जोडे। बलिङमा केरलाका मोहमाद नाविदले २ विकेट लिए। वाइन पर्नेल, सोहिल तनविर र फाबियन एलनले १–१ विकेट लिए। तर २ ओभर बलिङ गरेका सन्दीपले विकेट लिन सकेनन्। केरलाका लागि बलिङ गरेका मध्येबाट विकेट लिन नसकेका सन्दीपले २८ रन खर्चिए।
_x000D_
_x000D_
१ सय ८ रनको लक्ष्य पछ्याएको केरलाले ८.२ ओभरमा ७१ रनमै अलआउट भएको थियो। ओपनर क्रिस गेलले १९ बलमा ३५ रन जोड्न बाहेक अन्य ब्याट्सम्यान दोहोरो अंकमा आउट भए। अन्तिममा ब्याटिङ गर्न गएका सन्दीप १ बल खेलेर १ रनमा नटआउट रहेका थिए।
_x000D_
_x000D_
केरलाको इनिङ ध्वस्त पार्न पञ्जावका हसन खानले ४ विकेट र प्रवीन कुमारले ३ विकेट लिए।
_x000D_
_x000D_
यसअघि सन्दीपले आइतबार राजपुत्स्विरुद्ध भएको खेलमा २ विकेट लिएका थिए। त्यसअघि सन्दीपले पोख्तोनविरुद्ध ३ विकेट र सिन्धितविरुद्ध १ विकेट हात पारेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
