काठमाडौं– एभरेस्ट प्रिमियर लिग (इपिएल) टी–२० क्रिकेट प्रतियोगिताका लागि भैरहवा ग्लाडिएटर्सले तीन जना विदेशी खेलाडी आवद्ध गरेको छ।
_x000D_
_x000D_
गत संस्करणको उपविजेता भैरहवाले नेदरल्यान्ड्सका रायन टेन डेस्चाटे, यूएईका मोहमद नविद र भारतका रवि इन्दर सिंहसँग सम्झौता गरेको हो।
_x000D_
_x000D_
रायन टेन नेदरल्यान्ड्सबाट ३३ एकदिवसीय खेल खेल्दै ५ शतक प्रहार गरिसकेका खेलाडी हुन्। अलराउन्डर रायन टेनसँग आइपिएल टिम कोलकता नाइट राइडर्सबाट खेलेको अनुभव पनि छ। यस्तै उनले बंगलादेश प्रिमियर लिग र पाकिस्तान सुपर लिग पनि खेलकाे थिए। उनले विश्वका विभिन्न लिगमा गरि ३ सय २० टी–२० खेल खेलिसकेका छन्।
_x000D_
_x000D_
३१ वर्षीय नावीद युएईका अलराउन्डर हुन्। उनले ३२ एकदिवसीय, २३ टी–२० खेलेका छन्। उनी हाल युएईको टी–१० लिगमा केरला नाइट्समा आवद्ध छन्। केरला नेपालका सन्दीप लामिछानेले पनि खेलिरहेका छन्।
_x000D_
_x000D_
रवि इन्दरले गत महिना पोखरा प्रिमियर लिग खेलेका थिए। पोखारा पल्टनमा आवद्ध उनले फाइनलमा अर्धशतक प्रहार गर्दै टिमलाई उपाधि जिताएका थिए। भारतको पन्जाबबाट रणजी ट्रफी खेलकेा उनले ३७ लिस्ट ए र २८ टी–२० खेले खेलेका छन्।
_x000D_
_x000D_
भैरहवाको कप्तानमा सरद भेषवाकार छन्। यस्तै टिममा आरिफ शेख, रोहितकुमार पौडेल, प्रदीप ऐरी,अभिनास बोहोरा, भुवन कार्की, कृष्ण कार्की, प्रकास केसी, हरिशंकर साह, दीपेश श्रेष्ठ र भूपेन्द्र थापा छन्। भैरहवाले अनिल खरेल र कुशल मल्ललाई स्थानीय खेलाडीको रुपमा आवद्ध गरेको छ।
_x000D_
_x000D_
आगामी मंसिर २२ देखि हुने तय भएको इपिएल कीर्तिपुरस्थित त्रिभुवन विश्वविद्यालयको मैदानमा हुनेछ। इपिएलमा काठमाडौं किंग्स इलेभेन, ललितपुर पाट्रिओट्स, विराटनगर वारियर्स, भैरहवा ग्लाडिएटर, पोखरा राइनोज् र चितवन टाइगर्सले प्रतिस्पर्धा गर्नेछन्।
_x000D_
_x000D_
उद्घाटन खेलमा साविक विजेता विराटनगर वारियर्स र ललितपुर पाट्रिओट्सबीच प्रतिस्पर्धा हुनेछ। कीर्तिपुरस्थित त्रिवि क्रिकेट मैदानमा १५ दिन चल्ने इपिएलमा १९ खेल हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
