पोखरा – संस्कृति, पर्यटन तथा नागरिक उड्डयनमन्त्री रवीन्द्र अधिकारीलाई सोमबार पोखरामा केही विद्यार्थी नेताले कालो झन्ड देखाएका छन्।
_x000D_
_x000D_
उनलाई कालो झन्डा देखाउने नयाँ शक्ति पार्टी निकट विद्यार्थी संघ रहेको र त्यसमा संलग्न ६ जनालाई पक्राउ गरिएको कास्की प्रहरीका प्रवक्ता रवीन्द्रमान गुरुङले जानकारी दिए।
_x000D_
_x000D_
‘स्थानीय पूर्वाधार विकास साझेदारी कार्यक्रम अन्तर्गत क्षेत्र नम्बर २ कास्कीमा परेका बजेटबारे जानकारी दिन आयोजित कार्यक्रममा आउँदै गर्दा मन्त्रीलाई कालो झन्डा देखाएका हुन्,’ प्रवक्ता गुरुङले भने, ‘उनीहरुलाई हामीले नियन्त्रणमा लिइसकेका छौं।’
_x000D_
_x000D_
पक्राउ पर्नेमा विद्यार्थी नेताहरु नेत्र चापागाईं, विशाल तिमिल्सिना, रेशम सापकोटा, नरेन्द्र बस्याल, कृष्ण अधिकारी र तेजेन्द्रकुमार भट्ट छन्।
_x000D_
_x000D_
प्रवक्ता गुरुङले ती विद्यार्थी नेता अहिले नियन्त्रणमा रहेको र आवश्यक अनुसन्धान भइरहेको र त्यसै अनुसार कारबाही गरिने जनाए।
_x000D_
_x000D_
स्थानीय पूर्वाधार विकास साझेदारी कार्यक्रम अन्तर्गत जिल्ला समन्वय सहकारी संस्था कास्कीमार्फत संघीय मामिला तथा सामान्य प्रशासन मन्त्रालयमा पठाइएका आयोजनाका लागि ४ करोड रुपैयाँ विनियोजन गरिएको छ। कार्यक्रममा मन्त्री अधिकारीले २ नम्बर निर्वाचन क्षेत्र सबै पोखरा महानगरपालिकामा पर्ने भएकाले महानगरको समन्वयमा विभिन्न शीर्षकमा बजेट खर्च गरिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
