लन्डन– इंग्लिस प्रिमियर लिगमा आर्सनलले बर्नमाउथमाथि जित निकाल्दै अपराजित यात्रा कामयै राखेको छ। आर्सनलले आइतबार राति भएको खेलमा बर्नमाउथमाथि २–१ को जित हात पारेको हो।
_x000D_
_x000D_
बर्नमाउथका लेमाले ३० मिनेटमा आफ्नै पोस्टमा गोल गरेपछि खेलमा अर्सनलले अग्रता लिन सफल भएको थियो। यद्यपी पहिलो हाफको इन्जुरी टाइमको तेस्रो मिनेटमा किङ्गले गोल गरेपछि आर्सनलले बरारबी गर्न सफल भयो।
_x000D_
_x000D_
खेलको ६७ मिनेटमा आर्सनलले दोस्रो पटक अग्रता लिन सफल भयो। आर्सनलका लागि पियरी इमिरेक एउबामेयाङले गोल गरकेा थिए। उनले जारी सिजनमा आठौं गोल गरेका हुन्।
_x000D_
_x000D_
आर्सनल पछिल्ला १७ खेलमा अपराजित छ। यद्यपी आर्सनल पछिल्ला पाँच मध्ये ४ खेलमा बराबरीमा रोकिएको थियो। १२ अगस्टमा प्रिमियर लिगको खेलमा म्यानचेस्टर सिटीसँग २–० ले पराजित भए यता आर्नसलले कुनै पनि खेलमा हार बेहोरेको छैन।
_x000D_
_x000D_
आइतबार हात पारेको जितसँगै आर्सनल अंक तालिकाको पाँचौ स्थानमा उक्लिएको छ। आर्सनलको १३ खेलबाट २७ अंक छ। शीर्ष स्थानको म्यानचेस्टर सिटीको १३ खेलबाट ३५, दोस्रो स्थानको लिभरपुलको ३३, तेस्रो स्थानको टोटनह्यामको ३० र चौथो स्थानको चेल्सीको २८ अंक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
