काठमाडौं– नेपाल, भारत र श्रीलंकाका क्लबबीच टी–२० त्रिकोणात्मक क्रिकेट सिरिज–२०१९) को आयोजना हुने भएको छ ।
_x000D_
_x000D_
आइतबार महाकाली स्पोर्ट्स सोसाइटीले पत्रकार सम्मेलन गरेर नेपाली क्रिकेटको विकास र नेपाल, भारत र श्रीलंकाबीचको त्री–देशीय सम्बन्धलाई अझ प्रगाढ बनाउनको लागि उक्त प्रतियोगिता गर्न लागिएको जानकारी दिएको हो।
_x000D_
_x000D_
महाकाली स्पोर्ट्स सोसाईटीका अध्यक्ष समुन भट्टले नेपालको आधिकारिक संस्था (क्यान) निलम्बनमा पर्दासमेत क्रिकेटरहरुले देशप्रति पुर्याएको अतुलनीय योगदानलाई स्मरण गर्दै आफूहरुले फेरि पनि नेपाली क्रिकेटको विकासको लागि उक्त प्रतियोगिता गर्न लागेका स्पष्ट पारे ।
_x000D_
_x000D_
प्रतियोगिता आगामी माघ १ गतेदेखि १० गतेसम्म हुनेछ। नेपालको तर्फबाट नेपाल राइनोजको नेतृत्व मञ्जीत श्रेष्ठले गर्नेछन्। प्रशिक्षकको रुपमा मनोज कटुवाल रहनेछन्। दिनेश कुमारको कप्तानीमा भारतीय टिमले भाग लिनेछ। श्रीलङ्काको तर्फबाट सानुख धनन्जयको कप्तानी रहनेपनि उनले जनाए । श्रीलङ्काको कन्दुकार र भारतको सिडब्लुटी क्लबले भाग लिन लागेका हुन्।
_x000D_
_x000D_
करीब रु ८० लाखसम्म खर्च लाग्ने उक्त प्रतियोगिताको पुरस्कार कति दिने भन्ने विषयमा छलफल हुन बाँकी रहेको आयोजकले जनाएको छ। नेपालय इन्टरनेशल इभेन्ट म्यानेजमेन्टले व्यवस्थापन गर्ने प्रतियोगिता प्राइम टाइम्स टेलिभिजनले प्रत्यक्ष प्रसारण गर्नेछ। प्रतियोगिता त्रिवि क्रिकेट मैदान कीर्तिपुरमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
