पेरिस– फ्रेन्च लिग वानमा पेरिस सेन्ट जर्मेन (पिएसजी)ले लगातार १४औं जित हात पारेको छ। साविक विजेता पिएसजीले शनिबार भएको खेलमा टाउलेसेलाई १–० गोलले पराजित गरेको हो।
_x000D_
_x000D_
युरोपको उत्कृष्ट ५ लिग मध्ये सुरुवाती १४ खेलमा लगातार जित हात पार्ने पिएसजी पहिलो टिम हो। शीर्ष स्थानको पिएसजीको ४२ अंक छ। दोस्रो स्थानको २७ अंक मात्र छ।
_x000D_
_x000D_
पिएसजीको जितमा इडिन्सन काभानीले खेलको नवौं मिनेटमा गोल गरे। खेलमा पिएसजीका फरवार्डद्वय नेइमार र केलियन एमबाप्पे अनुपस्थित थिए। दुवै खेलाडी गत देशका लागि अन्तर्राष्ट्रिय मैत्रीपूर्ण खेल खेल्ने क्रममा घाइते भएका थिए। यद्यपी दुवै खेलाडी बुधबार लिभरपुलविरुद्धको च्याम्पियन्स लिगको खेलमा टिममा उपलब्ध हुने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
