काठमाडौं– कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको चार महिना बित्नै लागेको छ। तर, अपराधी पत्ता लाग्न सकेको छैन।
_x000D_
_x000D_
यसबीच निर्मलाका आमाबाबु न्याय खोज्दै काठमाडौं आए। गृहमन्त्री र प्रधानमन्त्रीलाई भेटे। आश्वासन पाए, फर्किए। तर, न्याय कुन बाटो भएर घरसम्म आइपुग्छ, पत्तो छैन।
_x000D_
_x000D_
आशा र आशंकामै चार महिना बितिसकेको छ।
_x000D_
_x000D_
_x000D_
_x000D_
यसबीच निर्मलाका आमाबा लगायतको सम्पूर्ण परिवार कञ्चनपुरमै धर्नामा बसेको छ। उनीलाई स्थानीयका साथै काठमाडौंबाट बेलाबखत पुग्ने समूहले साथ दिएका छन्। तर, धर्नामा बसेका निर्मलाका बा यज्ञराज पन्तको मानसिक अवस्था असन्तुलित हुँदै गएको, उनले असमान्य व्यवहार देखाउन थालेको भिडियो रिपोर्टहरु सार्वजनिक हुन थालेको छ।
_x000D_
_x000D_
शुक्रबार साँझदेखि सामाजिक सञ्जालमा यज्ञराजको अवस्थालाई लिएर चिन्ता व्यक्त गर्नेहरु सक्रिय भएका छन्। उनीहरुले सरकारप्रति आक्रोश पोखेका छन्। सरकारको लाचारीलाई लिएर अनेक व्यंग्य गरिरहेका छन्।
_x000D_
_x000D_
उनीहरु लेखिरहेका छन्–
_x000D_
सरकार
_x000D_
न्याय कहाँ पाइन्छ?
_x000D_
निर्मलाका बा'लाई भनिदिनु छ।
_x000D_
_x000D_
_x000D_
_x000D_
उनीहरुले यो सन्देश प्रधानमन्त्रीको ट्विटर ह्यान्डल, प्रधानमन्त्रीको निजी ह्यान्डल र प्रमुख राजनीतिक सल्लाहकार विष्णु रिमाललाई मेन्सन गरेका छन्।
_x000D_
_x000D_
_x000D_
_x000D_
सँगसँगै अर्काथरि भने भने मिस वर्ल्डमा भाग लिन चीन पुगेकी श्रृंखला खतिवडालाई प्रचार गरिहरेका छन्। उनका भिडियो फैलाइरहेका छन्। यसमा सरकारको नेतृत्व गरिरहेकै पार्टीका नेताहरु समेत छन्। शृंखलाको भिडियोमा हिमाल छ, पहाड छ, मधेस छ, कला र संस्कृति छ। तर, बलात्कारपछि हत्या गरिएकी बालिकाले न्याय नपाएको कुराको संकेतसम्म छैन। त्यसैले त नेताहरुले त्यसलाई फैलाइरहेका छन्।
_x000D_
_x000D_
सामाजिक सञ्जाल अचम्मको दोधारमा परिरहेको देखिएको छ। बलात्कारपछि हत्या गरिएकी निर्मला र निर्मला जस्तै बालिकाले न्याय पाउनु मुख्य कुरा हो कि शृंखलाले मिस वर्ल्डको ताज पहिरिनु?
_x000D_
_x000D_
तर, पनि सोध्नेहरु सोधिरहेका छन्–
_x000D_
सरकार
_x000D_
न्याय कहाँ पाइन्छ?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
