काठमाडौं– प्रधानमन्त्री वालेन्द्र शाहले इन्जिनियरिङ पृष्ठभूमिका सांसदहरूलाई संसद्मा समस्या उठाउनेभन्दा देश विकासका लागि नयाँ योजना र समाधानमुखी विचार प्रस्तुत गर्न आग्रह गरेका छन्।
बुधबार प्रधानमन्त्री तथा मन्त्रिपरिषद्को कार्यालयमा करिब दुई घण्टा भएको छलफलमा १७ सांसद सहभागी थिए। छलफलमा बाढी–पहिरोको अवस्थादेखि औद्योगिकीकरण, कानुनी सुधार र विद्युत् खपत बढाउने योजनासम्मका विषयमा सुझाव लिइएको थियो।
प्रधानमन्त्री शाहले इन्जिनियर सांसदहरूलाई ‘एक्स्ट्रा अर्डिनरी’ भन्दै औद्योगिकीकरणका लागि सिर्जनात्मक योजना दिन आग्रह गरे। उनले सांसदहरूले ल्याएका उपयोगी प्रस्तावमा प्रधानमन्त्री कार्यालयसँग प्रत्यक्ष समन्वय गर्न सकिने बताए।
रास्वपा सांसद डा. राम लामाका अनुसार छलफलमा विकास आयोजनाका लागि कानुनी सुधार, वनसम्बन्धी ऐन, विद्युत् खपत बढाउने योजना र रासायनिक मल कारखाना स्थापनाबारे समेत कुरा भएको थियो। प्रधानमन्त्री शाहले मल कारखाना स्थापनाका लागि छिट्टै प्रस्ताव आह्वान गर्ने र विद्युत् खपत बढाउने आयोजनालाई आवश्यक सहुलियत दिने जानकारी दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790762422.png)
-1786602170.png)
