काठमाडौं- एभरेष्ट प्रिमियर लिग (इपिएल) टी–२० क्रिकेट प्रतियोगिताका लागि चितवन टाइगर्सले आयरल्याण्डका अलराउन्डर पाउल स्टर्लिङलाई भित्र्याएको छ। चितवनले उनीसँग सम्झौता भएको प्रेस विज्ञप्तिमार्फत जनाएको छ।
_x000D_
_x000D_
स्टर्लिङले आयरल्यान्डबाट १ टेस्ट,१ सय अन्तर्राष्ट्रिय एकदिवसीय र ५२ टी–२० खेल खेलिरहेका छन्। उनले एकदिवसीय खेलमा ७ शतक प्रहार गरिसकेका छन्। स्टर्लिङ हाल यूएईमा भइरहेको टी–१० लिगमा नेपालका लेग स्पिनर सन्दीप लामिछाने आवद्ध केरला नाइट्सबाट खेलिरहेका छन्।
_x000D_
_x000D_
_x000D_
_x000D_
यसअघि चितवनले इंग्ल्यान्डका म्याक्स हेडेन र न्युजिल्यान्डका जेम्स फुलरलाई आवद्ध गर्ने घोषणा गरेका थिए। तर हेडेन इंग्ल्यान्डको ए टिममा परेको र फुलर पारिवारिक करणले उपलब्ध नहुने चितवनले जनाएको छ।
_x000D_
_x000D_
दीपेन्द्रसिंह ऐरी मार्की खेलाडी रहेको चितवनमा पृथु बाँस्कोटा, दिलीप नाथ, सन्दीप सुनार, भीम सार्की, ललित भण्डारी, कमलसिंह ऐरी र सहाव अलाम लगायतका खेलाडी छन्। चितवनले गत सिजन खेलेका सुवास खकुरेल, सुनाम गौतम र योगेन्द्रसिंह कार्कीलाई रिलिज गरेको छ। यस्तै आदिल खान, इशान पाण्डे र सागर ढकाललाई भित्र्याएको छ।
_x000D_
_x000D_
यता ललितपुर प्याट्रियट्सले ३ जना विदेशी खेलाडी आवद्ध गरेको छ।
_x000D_
_x000D_
प्रतियोगिताका लागि प्रत्येक टोलीले ३–३ जना विदेशी खेलाडी अनुबन्ध गर्नुपर्ने नियमाअनुसार ललितपुरले तीन भारतीय खेलाडी जयकिशन कोल्शावाला,सन्नी पटेल र गौरब तोमारलाई क्लबमा अनुबन्ध गरेको छ। विकेटकिपर ब्याट्सम्यान जयकिशन र ब्याट्सम्यान तोमारले गत महिना पोखरामा सकिएको पिपिएलमा सहभागिता जनाएका थिए। अलराउन्डर सन्नीले पनि चितवन राइनोजबाट खेल्दै उत्कृष्ट प्रदर्शन गरेका थिए।
_x000D_
_x000D_
सन्नी र जयकिशनले गत सिजन ललितपुरबाटै खेलेका थिए ।ज्ञानेन्द्र मल्लको कप्तानीमा रहेको ललितपुरबाट गौरवले पहिलो पटक खेल्न लागेका हुन्।
_x000D_
_x000D_
आगामी मंसिर २२ देखि हुने तय भएको इपिएल कीर्तिपुरस्थित त्रिभुवन विश्वविद्यालयको मैदानमा हुनेछ। इपिएलमा काठमाडौं किंग्स इलेभेन, ललितपुर पाट्रिओट्स, विराटनगर वारियर्स, भैरहवा ग्लाडिएटर, पोखरा राइनोज् र चितवन टाइगर्सले प्रतिस्पर्धा गर्नेछन्।
_x000D_
_x000D_
उद्घाटन खेलमा विराटनगर वारियर्स र ललितपुर पाट्रिओट्सबीच प्रतिस्पर्धा हुनेछ। १५ दिन चल्ने लिगमा १९ खेल हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
