एजेन्सी– युएईमा संचालन भइरहेको टी–१० लिगमा नेपालका लेग स्पिनर सन्दीप लामिछानेले विकेट लिने क्रम जारी छ। बुधबार पहिलो खेलमा ३ विकेट लिएका सन्दीपले बिहीबार पनि विकेट लिन सफल भए।
_x000D_
_x000D_
बिहीबार सिन्धिजविरुद्धको खेलमा सन्दीपले १ विकेट लिएका हुन्। यद्यपी बिहीबार राति सारजाहमा भएको खेलमा सन्दीपको टिम केरला नाइट्सलाई सिन्धिजले ९ विकेटको फराकिलो अन्तरले पराजित गरेको छ। पहिलो खेलमा भने केरला जित हात पारेको थियो।
_x000D_
_x000D_
टस हारेर पहिले ब्याटिङ गरेको केरलाले १० ओभरमा ७ विकेटको क्षतिमा १ सय ३ रन जोड्यो। केरलाले पहिलो ओभरमै ४ विकेट गुमाएको थियो। पहिलो ओभरमा केरलाविरुद्ध सिन्धिजका प्रवीन तम्बेले ह्याट्रिक सहित ४ विकेट लिए। उनले पहिलो ओभरको दोस्रो ओभरमा क्रिस गेललाई रन नै जोड्न नपाइ आउट गरे। ४७ वर्षीय तम्बेले चौथो बलमा इयान मोर्गानलाई र पाँचौ बलमा केइरन पोलार्डलाई खाता खोल्न नै नदिइ पेभेलियनको बाटो देखाए। छैटौं बलमा उनले फाबियन एलेनलाई बोल्ड गर्दै ह्याट्रिक पूरा गरे। उनले ५ विकेट लिए।
_x000D_
_x000D_
केरलाका लागि वाइन पर्नेलले २४ बलमा नटआउट ५९ रन र सोहल तनविरले १४ बलमा २३ रन बटुले।
_x000D_
_x000D_
१ सय ४ रनको लक्ष्य सिन्धिजले ७.४ ओभरमा १ विकेटको क्षतिमा पार्यो। उसका लागि सेन वाट्सनले २४ बलमा नटआउट ५० रन र एन्टोन डिभकिकले २० बलमा ४९ रन बनाए। एन्टोनलाई सन्दीपले आउट गरेका थिए। सन्दीपले छैटौ ओभरको तेस्रो बलमा एन्टोनलाई एलेनको हातबाट क्याच गराए। सन्दीपले २ ओभरमा १४ रन खर्चिए। उनी खेलमा केरलाका लागि २ ओभर बलिङ गर्ने एक मात्र बलर बने। अब सन्दीपको टिम केरलाले तेस्रो आगामी आइतबार राजपुतससँग खेल्नेछ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
