काठमाडौं– अवकाश भएको ६ वर्षपछि दीपकराज खरेललाई एसपीको फुली लगाएकोबारे नेपाल लाइभले समाचारसम्प्रेषण गरेपछि छानबिन सुरु भएको छ।
_x000D_
_x000D_
अनिवार्य अवकाश भएको ६ वर्ष बित्दासमेत अवकाशमा नगई एसपी फुली लगाएर सेवारत भएकोबारे छानबिन गर्न प्रहरी हेडक्वार्टर र गृह मन्त्रालयले सक्रियता देखाएका हुन्। नेपाल लाइभलाई प्राप्त सूचनाअनुसार प्रहरी हेडक्वाटरले एसपी दीपकराज खरेलको फाइल अनुसन्धानको काम सूरु गरेको छ।
_x000D_
_x000D_
स्रोतले नेपाल लाइभलाई भन्यो, ‘समाचारपछि प्रहरी हेडक्वार्टरको गम्भीर ध्यानाकर्षण भएको छ। यसबारे जतिसक्दो छिटो अनुसन्धान गरेर कारबाही गर्छौं।’
_x000D_
_x000D_
स्रोतका अनुसार प्रहरी हेडक्वार्टरमा रहेको उजुरी छानबिन शाखाले एसपी दिपकराजको फाइल अनुसन्धान गर्न आइजिपीको सचिवालयमार्फत मानव स्रोत विभागमा पठाएको छ। मानव स्रोत विभागले उनको जागिर अवधि, नागरिकता, शैक्षिक योग्यतालगायत सबै कुराको अध्ययन गरेर गलत भएको पुष्टि भएमा कारबाही गर्ने बताएको छ।
_x000D_
_x000D_
त्यसैगरी, प्रहरी किताबखानाले एसपी दिपकराजविरुद्ध अनुसन्धान गर्न पठाएको फाइलमाथि गृह मन्त्रालयले अनुसन्धान गरिरहेको जनाएको छ। गृह स्रोतका अनुसार उक्त फाइल अहिले मन्त्रालय मातहतको कानून शाखामा पुगेको छ। कानून शाखाले उक्त फाइलमाथि अनुसन्धान गरेर प्रहरी किताबखानालाई जवाफ पठाउने बताइएको छ।
_x000D_
_x000D_
छानबिनबाट एसपी खरेलले सेवा अवधिभन्दा ६ वर्ष जागिर खाएको पाइएमा उनले ६ वर्षसम्मको तलव भत्ता सबै फिर्ता गर्नुपर्ने हुन्छ। सेवा अवधिको अलावा उनको नागरिकतामा समेत त्रुटि देखिएकाले त्यसमाथि पनि छानबिन गरिने स्रोतले जानकारी दियो।
_x000D_
_x000D_
एसपी दीपकराजको बारेमा नेपाल लाइभले समाचार सम्प्रेषण गरेपछि प्रधानमन्त्री कार्यालय मातहतको ‘हेलो सरकार’ले बुधबार राष्ट्रिय सर्तकता केन्द्र र गृह मन्त्रालयलाई छानबिन गर्न निर्देशन दिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
