डडेलधुरा– स्थानीय भाषामा ‘देहिजात’ नामले परिचित सुदूरपश्चिमको उग्रतारा भगवती मेला सम्पन्न भएको छ। बुधबार साँझदेखि सुरु भएको मेला बिहीबार बेलुकी सम्पन्न भएको हो।
_x000D_
_x000D_
हरेक वर्ष कार्तिक शुक्ल पूर्णिमाको रात र प्रतिपदाको दिन मेला लाग्छ। राति लाग्ने मेलालाई ‘रतेडी’ र प्रतिपदाको दिन लाग्ने मेलालाई ‘दिउसेडी’ भनिन्छ। खनमडा, छचोडा, दुमडा र जिलोडा भ्राण (भण्डार) रहेको उग्रतारा भगवती मन्दिरमा यी चारवटै गाउँबाट रतेडी मेलामा बिहान ‘देउरो’ आएपछि दिउसेडी मेला सुरु भएको थियो।
_x000D_
_x000D_
देहिजातको रूपमा मानिने उग्रतारा भगवती मेला भर्न सुदूरपश्चिम, कर्णाली प्रदेश तथा छिमेकी देश भारतबाट समेत श्रद्धालु आएको उग्रतारा क्षेत्र विकास समितिका अध्यक्ष तेजबहादुर साँकीले बताए। ‘यो वर्ष पनि हजारौंको संख्यामा श्रद्धालु भक्तजनले मेला भरे’, उनले भने।
_x000D_
_x000D_
डडेलधुरा सदरमुकामबाट ४ किलोमिटर टाढा अमरगढी नगरपालिका–८ को दशरथचन्द राजमार्गसँगै सुन्दर डाँडामा महाशक्तिपीठ उग्रतारा भगवतीको मन्दिर अवस्थित छ।
_x000D_
_x000D_
_x000D_
_x000D_
वर्षमा एक पटक लाग्ने मेलामा उग्रतारा माताको दर्शन गरेमा दैवीप्रकोप नहुने, सुख प्राप्ति, मनोकामना पूरा हुने, शरीरको रक्षा गर्ने र परिवारले सुख पाउने जनविश्वास रहेको छ। ‘सुदूरपश्चिमका सबै जिल्लाको केन्द्रबिन्दुमा उग्रतारा मन्दिर छ’, मन्दिरका मूल पुजारी दयाकृष्ण भट्टले भने, ‘यहाँ आएर पूजाआजा गरे मनोकामना पूरा हुन्छ। त्यसैले यहाँ भक्तजनको घुइँचो लाग्छ।’
_x000D_
_x000D_
किंवदन्ती अनुसार परापूर्वकालमा स्थानीय साँकी जातिका किसानले हलो जोत्दा शिलामा हलो अड्किएर रगत निस्किएको थियो। सो रगतलाई आफूले खान ल्याएको खिचडीले टालेर रोकिएपछि देवी उत्पन्न भई दर्शन दिएको र किसानले सोही स्थानमा मदिरको स्थापना गरेको बताइन्छ। सोही विश्वासमा त्यसबेलादेखि नै कार्तिक शुक्ल पूर्णिमाका दिन पूजा र मेला लाग्ने यहाँका स्थानीयहरु बताउँछन्।
_x000D_
_x000D_
सुदूरपश्चिमको जनजीवन झल्किने विभिन्न दृश्य, इष्टमित्र, साथीसंगी तथा परिवारजनमा हुने भेटघाट र सुदूरपश्चिमको लोकप्रिय खाना माँडा यस मेलाको मुख्य आकर्षणको रुपमा रहेको छ। स्थानीय लोपोन्मुख वस्तुको बिक्री तथा प्रवद्र्धनका लागि पनि मेला प्रसिद्ध छ।
_x000D_
_x000D_
विगतका वर्षभन्दा यसपटक मेला भर्न आउने भक्तजनहरुको संख्यामा भने कमी आएको उग्रतारा क्षेत्र विकास समितिले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
