काठमाडौं– एसियन क्रिकेट काउन्सिल (एसिसी) साधारणसभामा नेपालको तर्फबाट निर्वाचित नेपाल क्रिकेट संघ (क्यान)ले सहभागिता जनाएको छ। गत मंसिर १ गते पाकिस्तानको लाहोरमा सकिएको वार्षिक साधारणसभामा निर्वाचित क्यानको तर्फबाट महसचिव असोकनाथ प्याकुरेलले भाग लिएका थिए।
_x000D_
_x000D_
अन्तर्राष्ट्रिय क्रिकेट काउन्सिल (आइसिसी) बाट क्यान निलम्बन रहेको अवस्थामा निर्वाचित क्यानलाई सभागिता गराउनुलाई सकारात्मक कदम भएको निर्वाचित क्यानले जनाएको छ।
_x000D_
_x000D_
'एसिसी साधारण सभामा निर्वाचित क्यानलाई सहभागिता गराउनु सकारात्मक कुरा हो,' साधारणसभामा भाग लिएर नेपाल फर्किएका महासचिव प्याकुरेलले भने, 'बैठकमा आइसिसीका पदाधिकारी समेत रहेका इमरान ख्वाजा सहभागिता हुनु त्यसको प्रमाण हो।'
_x000D_
_x000D_
साधारणसभाले आगामी दुई बर्षका लागि बंगलादेश क्रिकेट बोर्डका अध्यक्ष नजमुल हसनलाई अध्यक्षमा र इमरान ख्वाजालाई उपाध्यक्षमा मनोनित गरेको छ।
_x000D_
_x000D_
क्यानका महासचिव प्याकुरेलले साधारणसभामा नेपाल क्रिकेटको पछिल्लो अवस्थाबारे जानकारी गराएका थिए। उनले आइसिसीसँगको सहकार्यमा बनाइएको विधान अनुसार काम अघि बढिरहेको साधारणसभामा जानकारी दिएका थिए। यस्तै उनले आइसिसीले नेपालमाथि लगाएको प्रतिबन्ध फुकुवाको दिसामा अग्रसर रहेको सभालाई जानकारी गराएका थिए।
_x000D_
_x000D_
सहभागी सदस्य राष्ट्रले नेपालको प्रतिबन्ध छिटै फुकुवा हुने विश्वास व्यक्त गरेको निर्वाचित क्यानका उपाध्यक्ष दिवाकर घलेले जारी गरेको विज्ञप्तिमा उल्लेख छ।
_x000D_
_x000D_
यसअघि २०७२ मंसिरमा भएको क्यानको निर्वाचनलाई राष्ट्रिय खेलकुद परिषदले मान्यता नदिएपछि क्रिकेट विवाद सुरु भएको थियो। परिषदले निर्वाचित समितिलाई मान्यता नदिएर तदर्थ समिति गठन गरेको थियो। त्यसपछि निर्वाचित समितिले सर्वोच्चमा मुद्दा दायर गरेको थियो। सर्वोच्चले अन्तरिम आदेश दिएपछि तदर्थ समितिले काम गर्न पाएको थिएन।
_x000D_
_x000D_
यसबीचमा आन्तरिक विवाद र सरकारी हस्तक्षेप भएको भन्दै आइसिसीले क्यानलाई ०७३ बैशाखमा निलम्बन गरेको थियो । त्यसपछि आइसिसीले नै नेपाली क्रिकेटको व्यवस्थापन हेर्दै आएको छ।
_x000D_
_x000D_
_x000D_
विवाद समाधानका लागि आइसिसीले सल्लाहकार समिति गठन गरेको थियो। सल्लाहकार समितिमा निर्वाचित क्यानसहित सरोकारवाला व्यक्त सदस्य दिए। समितिले क्यानको नयाँ विधान बनाएको थियो। सो विधानलाई निर्वाचित क्यानले परिमार्जित सहित पारित गरेको थियो। तर आइसिसीले हुबहु पारित गर्नु पर्ने भनेपछि गत वैशाखमा हुबहु पारित भएको थियो।
_x000D_
_x000D_
नयाँ विधानअनुसार गठन भएको पाँच सदस्यीय मोनिटरीङ कमिटीले अहिले जिल्ला निर्वाचनको अध्ययन गरिरहेको छ। मोनिटरीङ समितीले आफ्नो प्रतिवेदन बुझाएपछि सम्पन्न हुने प्रदेश र केन्द्रको निर्वाचनसँगै आईसीसीले क्यान माथिको निलम्वन फुकुवा हुने विश्वास गरिएको छ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
