काठमाडौं– मनाङ मर्स्याङ्दी क्लब र थ्रीस्टार क्लब घरेलु फुटबलमा चिरपरिचित प्रतिद्वन्द्वी क्लब हुन्। घरेलु फुटबलका हरेक प्रतिस्पर्धामा दुई क्लबबीच उपाधिका लागि लडाइ हुने गरेको छ। जारी सहिद स्मारक ए डिभिजन लिगमा पनि मनाङ र थ्रीस्टार निर्विवाद मुख्य दाबेदार हुन्।
_x000D_
_x000D_
मुख्य प्रतिस्पर्धी मनाङ र थ्रीस्टारबीच लिगको सुरुवाती चरणमै भिडन्त भयो। बिहीबार एन्फा कम्प्लेक्स मैदानमा भएको खेल दुवै टिमका लागि महत्वपूर्ण थियो। कतिपयले खेलको नतिजाले लिगको उपाधि यात्रामा समेत असर पार्ने विश्लेषण गरेका थिए। त्यसैले दुवै टिमले स्पष्ट जितका लगि हरप्रकारले तयारी गरेका थिए।
_x000D_
_x000D_
सुजल श्रेष्ठ र प्रकास बुढाथोकी जस्ता प्रतिभावान मिडफिल्डरको चोट तथा मुख्य स्ट्राइकर ओलावाले लगातार दोस्रो पहेँलो कार्ड पाएर थ्रीस्टार विरुद्धको खेल गुमाएका थिए। यस्तो अवस्थामा दोस्रो खेलमा लयमा देखिएको थ्रीस्टारविरुद्ध खेल्दा मनाङ दबाबमा थियो। हुन पनि त्यस्तै भयो खेलको सुरुवातमै थ्रीस्टार हाबी देखियो। पहिलो १० मिनेटमा थ्रीस्टारले मनाङविरुद्ध लगातार आक्रमण गरिरह्यो।
_x000D_
_x000D_
_x000D_
_x000D_
११ मिनेटमा मनाङले अग्रता लिन सफल भयो। मध्य भागबाट हेमन गुरुङले निकालेको सटिक पासमा अन्जन विष्टले डिफेन्डर रन्जित धिमाललाई कटाएर दोस्रो बार च्यापेर प्रहार गरे। गोलकिपर पोजिसनङमा भएको अवस्थामा उनको प्रहार रोक्न सकिने स्थिति थियो। तर थ्रीस्टारका गोलकिपर एलन न्यौपाने पोजिसनमा थिएनन्, प्रहारले गोलपोस्टको दिशा लियो।
_x000D_
_x000D_
१८ मिनेटमा मनाङले अर्को गोल थप्यो। यसपटक मनाङ भाग्यमानी ठहरियो। थ्रीस्टारका गोलकिपर एलन न्यौपानेले डिबक्स भित्रबाट बल क्लियर गर्ने क्रममा हानेको प्रहार आफ्नै साथी विजय धिमालको ढाँडमा लागेर फर्किएको थियो। सो बलले गोलपोस्टतर्फ फर्किरहदा कप्तान विक्रम लामा रोक्न दगुरे। तर विक्रमले भ्याएनन्, बलले जाली चुम्यो।
_x000D_
_x000D_
_x000D_
_x000D_
'गोलकिपर पोजिसनमा भएको भए पहिलो गोल हुँदैन थियो। त्यस्तै गोलकिपरले क्लियर गर्नु पर्ने बल आफ्नै साथीको जिउमा लागेर गोल भयो। मनाङले लक्की गोल पायो। अर्कोतर्फ उसले मिहिनेत पनि गरेका थियो। ९० मिनेटसम्म उनीहरुले गरेको मिहिनेतलाई भाग्य पनि साथ दियो,' थ्रीस्टारका प्रशिक्षक मेघराज केसी भन्छन्।
_x000D_
_x000D_
२ गोल खाएपछि थ्रीस्टाले मनाङमाथि लगातार दबाब बढाइरह्यो। २२ मिनेटमा थ्रीस्टारका विजय धिमालले डिबक्स हानेको प्रहारले गोलपोस्टको दिशा लिन सकेन। पहिलो हाफ सकिन ३ मिनेट बाँकी छदा थ्रीस्टारले गोल गर्ने सुनौलो मौका गुमायो। बुद्ध चेमजोङले डिबक्स भित्रबाट दोस्रो बार च्यापेर हानेको प्रहार पोल नजिकैबाट बाहिरिएको थियो।
_x000D_
_x000D_
दोस्रो हाफमा पनि थ्रीस्टारले लगातार आक्रमण गरिरह्यो। थ्रीस्टारले फरवार्ड अनिल गुरुङको स्थानमा रन्जन विष्टलाई मैदान प्रवेश गरायो। लगातार 'एट्याकिङ थर्ड'मा बल घुमाएको थ्रीस्टारले ८४ मिनेटमा पेनाल्टीको अवसर पायो। मनाङका डिफेन्डर मोहमद आसिफले थ्रीस्टारका फरवार्ड अजयी मार्टिनलाई फल गरेपछि प्राप्त पेनाल्टीमा रन्जित धिमालले गोल गरे। खेललाई २–१ ल्याएपछि थ्रीस्टारले बराबरी हरप्रयास गरेको थियो। तर मनाङ थ्रीस्टारलाई रोक्दै ३ अंक लिने रणनीतिमा सफल भयो।
_x000D_
_x000D_
३ अंक लिन सफल भएपछि मनाङका प्रशिक्षक सुमन श्रेष्ठले आफ्नो रणनीति सफल भएको बताए।,'हामीले जुन रणनीति बनाएका थियौ। त्यसमा सफल भयौ, ' उनले भने,'योजना अनुरुप पहिलो १५ मिनेटमा अग्रता लिन सफल भयौं। हामीले ४–४–२ को फर्मेसन पनि परिवर्तन गर्दै डिफेन्समा ध्यान दिएका थियौं।' टिमका महत्वपूर्ण खेलाडी विशाल राई पहिलो हाफमा घाइते भएर मैदान छाड्दा दोस्रो हाफमा दबावमा खेल्नु परेको उनको भनाइ छ।
_x000D_
_x000D_
_x000D_
_x000D_
दुई चिरपरिचित प्रतिद्वन्द्वी टिमको भिडन्त भएका कारण एन्फा मैदानमा बाक्लो संख्यामा दर्शकको उपस्थिति भएको थियो। लिगको रोमाञ्चक मध्येको खेलले उपाधि असर गर्छ भन्ने बेला अहिले भइनसकेको थ्रीस्टारका प्रशिक्षक केसी बताउँछन्। उनले भने,'हाम्रा लागि सबै खेल उति नै महत्वपूर्ण छ। अब १० खेल खेल्न बाँकी छ। यहि नतिजाले लिगको उपाधिमा असर गर्छ जस्तो लाग्दैन।'
_x000D_
मनाङका प्रशिक्षक श्रेष्ठ पनि अन्य पनि बलिया भएका हुँदा यो खेलको नतिजाले लिगको उपाधिमै असर गर्छ भन्न नमिल्ने बताउँछन्।
_x000D_
_x000D_
लगातार तेस्रो जितसँगै मनाङ शीर्ष स्थानमा उक्लिएको छ भने थ्रीस्टार दोस्रो स्थानमा झरेको छ।
_x000D_
_x000D_
_x000D_
_x000D_
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
