काठमाडौं– सातामा १४ वटासम्म उडान गर्न पाउने गरी नेपाल र कम्बोडियाबीच हवाई सम्झौता हुने भएको छ। संस्कृति, पर्यटन तथा नागरिक उड्डयन मन्त्रालयले पहिलो पटक दुई देशबीच हुन लागेको हवाई सम्झौताको तयारी अन्तिम चरणमा पुगेको जनाएको छ।
_x000D_
_x000D_
मन्त्रालयका सह–सचिव सुरेश आर्चायले कम्बोडियाका प्रधानमन्त्री साम्देच अक्का मोहा सेना पादेइ देचो हुन सेन (छोटकरीमा हुन सेन)को नेपाल भ्रमणको समयमा दुई देशबीच पहिलो पटक हवाई सम्झौताको तयारी भएको बताए। मन्त्रालयले कम्बोडियासँग हवाईसहित कार्गो उडानमा समेत सम्झौता गर्न लागेको आचार्यले बताए।
_x000D_
_x000D_
सम्झौतामा नेपालको तर्फबाट न्युनतम सातामा ७ वटा र बढीमा १४ वटासम्म उडान गर्न पाउने गरी हवाई सम्झौताको तयारी भएको उनको भनाइ छ। मन्त्रालयले निर्माणधीन गौतम बुद्ध अन्तर्राष्ट्रिय विमानस्थलबाट समेत उडान गर्न पाउने गरी सम्झौताको तयारी गरेको आचार्य बताउँछन्।
_x000D_
_x000D_
‘हवाई उडानमा केही लिमिटेसन रहे पनि कार्गोमा भने कुनै लिमिटेसन नरहने गरी सम्झौताको तयारी भइरहेको छ।’, आचार्यले भने। सम्झौता काठमाडौं–कम्बोडिया, कम्बोडिया–गौतम बुद्ध अन्तर्राष्ट्रिय विमानस्थल सिधा उडान गर्न सकिने गरी मात्रै सम्झौता हुने उनको भनाइ छ। तर, ट्रान्जिट उडान गर्न पाउने गरी भने सम्झौता नहुने आचार्यले स्पष्ट पारे।
_x000D_
_x000D_
कम्बोडियाका प्रधानमन्त्री हुन सेन यही नोभेम्बर ३० मा राजकीय भ्रमणका रुपमा नेपाल आउँदैछन्। सोही अवसर पारेर दुई देशबीच हवाई सम्झौता हुन लागेको हो।
_x000D_
_x000D_
पछिल्लो समय बौद्धमार्गी देशहरूले नेपालमा उडान गर्न चासो देखाउन थालेका छन्। त्यसको कारण हो, निर्माण कार्यको अन्तिम चरणमा रहेको गौतम बुद्ध अन्तर्राष्ट्रिय विमानस्थल।
_x000D_
_x000D_
गौतम बुद्ध विमानस्थललाई सरकारले २०१९ भित्रै सञ्चालनमा ल्याउने तयारी गरेसँगै बौद्धमार्गी देशहरु नेपाल उडानमा आकर्षित हुन थालेका हुन्।
_x000D_
_x000D_
हालैमात्र भियतनामसँग हवाई सम्झौता भएको छ भने थाइल्यान्डसँग पनि पुरानो हवाई सम्झौता नवीकरण भएको थियो। सरकारले अर्को बौद्धमार्गी देश कम्बोडियासँग पनि हवाई सम्झौता गर्न लागेको हो।
_x000D_
_x000D_
अष्ट्रेलियासँग हवाई सम्झौतामा ‘ओपन स्कार्इ’ सम्भव नहुने
_x000D_
_x000D_
कम्बोडियासँगको हवाई सम्झौता अन्तिम चरणमा पुगे पनि अस्ट्रेलियासँग भने तत्कालको अवस्थामा हवाई सम्झौता नहुने भएको छ। अस्ट्रेलियाले ‘ओपन स्काई’को सर्त अघि सारेका कारण हवाई सम्झौता तत्काल सम्भव नभएको आचार्य बताउँछन्।
_x000D_
_x000D_
नेपालले अहिले अन्य राष्ट्रसँग जुन किसिमको हवाई सम्झौता गरिरहेको छ, सोहीअनुसार नै अस्ट्रेलियासँग पनि हवाई सम्झौता गर्ने उनको भनाइ छ। नेपालका तर्फबाट हवाई सम्झौताका लागि प्रयास भने जारी नै रहेको मन्त्रालयले जनाएको छ।
_x000D_
_x000D_
युरोपेली मुलुकहरुमा भने ‘ओपन स्काई’को अवधारणामा हवाई सम्झौता हुने गरेको छ। नेपालले हालसम्म कुनै पनि देशसँग सबै ठाउँबाट उडान भर्न मिल्ने गरी सम्झौता गरेको छैन। छिमेकी मुलुक भारतले पनि केही प्रान्तमा मात्र यस किसिमको सम्झौता गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
