काठमाडौं- 'आइएमई नेपाल लिटरेचर फेस्टिभल' पुस ७ गतेदेखि पोखरामा हुने भएको छ। १० गतेसम्म चल्ने महोत्सवलाई व्यावसायिक समूह आइएमईले प्रायोजन गर्ने भएको हो।
_x000D_
_x000D_
महोत्सवबारे जानकारी दिन काठमाडौंमा सोमबार आयोजित 'प्रेस मिट'मा फेस्टिभलका निर्देशक अजित बरालले पोहोर दर्शक-स्रोताबाट पाएको साथ र मायाले पुन: पोखरामै महोत्सव गर्न लागिएको जानकारी दिए। महोत्सव फेवाताल किनारको रत्न मन्दिरको चौरमा आयोजना हुनेछ।
_x000D_
_x000D_
'जहाँ शब्दहरु जीवन्त हुन्छन्' भन्ने मन्त्रसहित सन् २०११ मा ललितपुरको झम्सिखेलबाट बुकवर्म फाउन्डेसनले नेपाल लिटरेचर फेस्टिभल सुरु गरेको थियो। सुरुवाती चार वर्ष काठमाडौंमा र भूकम्पपछि पोखरामा गरिएको थियो। 'फेस्टिभलको पहिलो संस्करणदेखि यहाँसम्म आइपुग्दा थुप्रै देशी-विदेशी साहित्यकार, लेखक र चिन्तकको वैचारिक बहस गर्ने प्रिय थलो बनिसकेको छ,' बरालले भने, 'उमेरको हिसाबसँगै फेस्टिभलले उचाइ मात्र होइन विश्वास पनि बढाएको छ।' शक्ति र सत्ताका आडमा फैलाइएका भय, घृणा र असहिष्णुताले स्वतन्त्रतर कल्पनाशील सिर्जना सम्भव नहुने र त्यस्तो अवस्थामा शब्दले पनि नपाउने हुँदा पनि यसखाले सबैको मञ्चको महत्व अझ बढेको आफूहरुले महसुस गरेको उनको भनाइ थियो।
_x000D_
_x000D_
कार्यक्रममा लेखक खगेन्द्र संग्रौलाले यस्ता महोत्सवहरु विचार मन्थनको थलो र लेखक-पाठकबीट भेटघाट गर्ने उपयुक्त माध्यम भएको बताए। यसबाट बाहिरका ज्ञान, सूचना र सभ्यता बुझ्न सकिन्छ। 'सत्तामा बसेका शासकहरु विचारविरोधी लाग्छ। उनीहरु कुनै पनि प्रश्न रुचाउँदैनन्। बढी पुस्तक पढ्यो भने बौलाइन्छ भन्नेहरु पनि यहीँ छन्,' उनले भने, 'पुस्तकले विवेक, ज्ञान, चेतना दिन्छ। सभ्यता र ज्ञानको सञ्चय भएकाले साहित्यिक मेलाको प्रभावकारी बढ्नै जानुपर्छ।'
_x000D_
_x000D_
सामाजिक सञ्जाल दुरुपयोगले रोग निम्त्याएको भन्दै उनले त्यसले मान्छेलाई एक्लो र घोइरो बनाएको बताए। 'पुस्तक पढ्ने समय सामाजिक सञ्जालले खाइदिएको छ,' उनले भने।
_x000D_
_x000D_
प्रायोजक आइएमईका प्रबन्ध निर्देशक हेमराज ढकालले सिर्जनात्मक कार्यको एउटा पाटोका रुपमा आफूहरु फेस्टिभलसँग जोडिएको प्रस्ट पारे। आइएमई फाउन्डेसनबाट विगतमा शिक्षा, स्वास्थ्य जस्ता क्षेत्रमा काम गर्दै आएको बताउँदै उनले यसपालि साहित्य महोत्सवसँग जोडिन पाउँदा खुसी लागेको भनाइ राखे।
_x000D_
_x000D_
फेस्टिभलका संयोजक रविन गिरिले महोत्सवबारे थप जानकारी गराउन आउँदो शनिबार काठमाडौंमा 'कर्टेन रेजर' आयोजना गरिने बताए। उक्त कार्यक्रममा भारतीय लेखक गुरचरण दासले मुख्य मन्तव्य दिनेछन् भने धर्मेन्द्र सेवानले गीत प्रस्तुत गर्ने भएका छन्।
_x000D_
_x000D_
'फेस्टिभलमा ३० देखि ३५ सेसन चल्नेछन्,' हरेकजसो महोत्सवमा लेखकहरु दोहोरिने आरोप स्विकार्दै उनले भने, 'केही लेखक दोहोरिनु पनि पर्छ। तर नयाँहरुलाई पनि हामीले समेट्नेछौं।'
_x000D_
_x000D_
महोत्सवमा नेपाली लेखक साहित्यकारका साथै पाकिस्तबाट मोहम्मद हनिफ, बेलायतबाट डा निकोला स्ट्रिटेन, क्यानडाबाट मञ्जुश्री थापा, भारतबाट नमिता गोखले, प्रज्जवल पराजुली, हरिश नाम्बियर लगायत लेखकहरु सहभागी हुँदैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
