काठमाडौं- सरकारसँग श्रम स्वीकृति लिएर वैदेशिक रोजगारीमा गएकै कामदार नै मानव तस्करीमा पर्ने गरेको एक कार्यक्रमका वक्ताहरूले बताएका छन्। बिहिबार राजधानीमा सोलिडारिटी सेन्टरले आयोजना गरेको 'कोलम्बो प्रोसेसका चुनौती' विषयक अन्तर्क्रिया कार्यक्रममा बोल्ने वक्ताहरूले वैदेशिक रोजगारीका नाममा भइरहेको मानव तस्करी रोक्न एसियाली देशहरूले मिलेर अभियान चलाउनुपर्नेमा जोड दिएका छन्।
_x000D_
_x000D_
सरकारी तवरबाटै श्रम स्वीकृति लिएर रोजगारीको खोजीमा तेस्रो देश पुगेका एसियाका श्रमिक मानव तस्करीमा पर्ने गरेको उनीहरुको भनाई छ। कोलम्बो प्रोसेसका सदस्य राष्ट्रले रोजगारीका नाममा हुने मानव तस्कारी रोक्न विशेष प्रयास गर्नुपर्ने आवश्यकता रहेको वक्ताले सुझाव दिएका छन्।
_x000D_
_x000D_
पछिल्लो समय रोजगारीका नाममा विदेश जाने शिक्षित युवावर्ग नै मानव तस्करीमा पर्ने गरेको नेपाल, श्रीलंका र मल्दिभ्ससम्बन्धी मामिला हेर्ने सेन्टरका कार्यक्रम निर्देशक एलनोजो सुसनले बताएका छन्। यसका साथै उनीहरुमाथि अार्थिक शोषण समेत हुने गरेको उनले बताए। देशभित्रै राम्रो रोजगारीका अवसर पाइरहेका व्यक्ति पनि धेरै कमाउने लोभमा लागेर अन्य देश जादाँ ठगी र तस्करी हुने गरेको उनको भनाइ छ।
_x000D_
_x000D_
एसिया मानव अधिकार फोरमका नीलाम्बर बडालले एसियाका देशबाट ठूलो मात्रामा युवाशक्ति वैदेशिक रोजगारीमा तेस्रो देश जाने गरेको र यी देशले रोजगारीमा जाने कामदारभन्दा रेमिट्यान्सलाई महत्व दिँदै आएको धारणा राखेका थिए।
_x000D_
_x000D_
वैदेशिक रोजगारीका क्षेत्रमा रहेका विकृति रोक्न सरकारले तत्काल विषेश अभियान चलाउनुपर्ने सुझाव पत्रकार सुनिल न्यौपानेले दिए। श्रमशक्ति विदेशिने विषयप्रति एसियाका देश गम्भीर नभए भविष्यमा ठूलो सकंट आउने उनको भनाई छ।
_x000D_
_x000D_
कोलम्बो प्रोसेसका १२ सदस्य देशबाट वार्षिक ३ करोडभन्दा धेरै युवा रोजगारीमा खोजीमा तेस्रो देश जाने गरेका छन्। यी देशबाट वार्षिक ५ लाखभन्दा बढी श्रमिक रोजगारीमा नाममा तस्करीमा पर्ने गरेको बताइएको छ।
_x000D_
_x000D_
कोलम्बो प्रोसेसका बैठक बिहीबारदेखि काठमाडौंमा सुरु भएको छ। बैठकमा रोजगारदाता देशले कामदारलाई प्रदान गर्नुपर्ने सुरक्षा, मानव अधिकार र सेवा सुविधाका विषयमा साझा अवधारणा सहितको प्रतिवेदन तयार हुने बताइएको छ। प्रतिवेदन रोजगारदाता मूलुकको संस्था अाबुधावी डालइलगमा पेश गरिने छ। बैकठ शुक्रबार सम्पन्न हुनेछ।
_x000D_
_x000D_
कोलोम्बो प्रोसेस राेजगारीका लागि विदेश पठाउने १२ राष्ट्रको साझा संस्था हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
