काठमाडौं– ३८ सय किलो सुन तस्करीका मुख्य अभियुक्त भनिएका चुडामणी उप्रेती ‘गोरे’लाई सहयोग गरेको आरोपमा इन्टरपोल मार्फत दुबईबाट झिकाइएका वेनु श्रेष्ठ जिल्ला अदालतको आदेशलाई चुनौती दिँदै उच्च अदालत पुगेका छन्।
_x000D_
_x000D_
तस्करीमा मुख्य पात्रको भूमिका देखिएको भन्दै थुनामा राख्ने जिल्ला अदालत मोरङको आदेशलाई चुनौती दिँदै उनी उच्च अदालत विराटनगर पुगेका हुन्।
_x000D_
_x000D_
सुन तस्करीमा गोरेको सहयोग नगरेको बयान दिदाँ समेत थुनामा राख्नु गैरकानुनी भएको जिकीर गर्दै श्रेष्ठले सोमबार निवेदन दर्ता गरेका हुन्।
_x000D_
_x000D_
तल्लो अदालतको आदेश चित्त नबुझेमा माथिल्लो तहमा जान पाउने सुविधा अन्तरगत उनी उच्च अदालत पुगेका हुन्। श्रेष्ठको निवेदनमा मंगलबार पहिलो सुनुवाई समेत भएको छ।
_x000D_
_x000D_
उच्च अदालत विराटनगरका न्यायाधीश थीरबहादुर कार्कीको इजलाशले जिल्ला अदालतको आदेश माग गर्ने आदेश गरेको छ।
_x000D_
_x000D_
न्यायाधीश थीरबहादुर कार्कीको इजलाशले यस्तो आदेश गरेको हो।
_x000D_
_x000D_
यसअघि जिल्ला अदालत मोरङले उनलाई पुर्पक्षका लागि थुनामा पठाउने आदेश गरेको थियो। जिल्ला अदालतको उक्त आदेशलाई चुनौती दिदै उनी उच्च अदालत पुगेका थिए।
_x000D_
_x000D_
श्रेष्ठले इन्टरपोलको सहयोगमा असोज २९ गते नेपाल ल्याइएको थियो। अन्तर्राष्ट्रिय प्रहरी अपराध संगठन (इन्टरपोल)को सहयोगमा दुबईबाट उनलाई झिकाएर अदालत पेस गरिइएको थियो।
_x000D_
_x000D_
जिल्ला प्रहरी कार्यालय मोरङको अनुरोधमा नेपाल प्रहरीको इन्टरपोल शाखा काठमाडौंले श्रेष्ठविरुद्ध ‘रेड कर्नर नोटिस’ जारी गरेको थियो। त्रिभुवन विमानस्थलबाट साढे ३३ किलो सुन गायब बनाइएपछि सो कार्यका लागि भरिया बनाइएका सनम शाक्यको हत्या गरिएको थियो।
_x000D_
_x000D_
शाक्य हत्या प्रकरणमा छानबिन गर्दा सुन तस्करीको रहस्य खुलेको थियो। तस्करी र शाक्य हत्या आरोपमा पक्राउ परेका टोकराज मल्लले दिएको बयानबाट श्रेष्ठ र गोरेको सम्बन्ध तथा घटनामा उनीहरुको भूमिकाका सम्बन्धमा खुलेको थियो।
_x000D_
_x000D_
गृह मन्त्रालयद्धारा गठित उच्चस्तरीय छानबिन समितिको प्रतिवेदन र जिल्ला सरकारी वकिल कार्यालय मोरङले जिल्ला अदालत विराटनगरमा पेस गरेको अभियोग पत्रकाअनुसार श्रेष्ठ र गोरेको मिलेमतोमा धेरै पटक त्रिभुवन विमानस्थलमार्फत सुन नेपाल भित्रिएको देखिएको छ।
_x000D_
_x000D_
छानबिन समितिका अनुसार सुनमा लगानी गर्ने मध्येमा श्रेष्ठ पनि एक मुख्य व्यक्ति रहेको बताइएको छ।
_x000D_
_x000D_
सोही प्रकरणमा विमानस्थलबाट सुनलाई सहजताका साथ बाहिर ल्याउने प्रक्रियामा सामेल भएको भन्दै केही उच्च प्रहरी अधिकारी पनि अनुसन्धानमा तानिएका थिए।
_x000D_
_x000D_
तर, घटनामा संलग्नता नदेखिएको भन्दै अदालतले केही प्रहरी अधिकारीलाई भने सामान्य तारेखमा छाड्ने आदेश दिइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762336806.png)
-1762333413.png)
