बेरूत, लेबनान- जोर्डनको सीमा क्षेत्रमा शरणार्थीका रूपमा रहँदै आएका विस्थापित सिरियालीको प्राथमिक उपचारका लागि औषधी पु¥याउन एक टोली सफल भएको राष्ट्रसङ्घले शनिबार जनाएको छ।
_x000D_
_x000D_
संयुक्त राष्ट्रसङ्घ तथा सिरियाली अरब क्रिसेन्टका समूहहरूले रूकवान शिविरमा रहेका करिब ५० हजार विस्थापित सिरियालीको मानवीय सहयोगका लागि औषधि, खाद्यान्न, लुगा तथा अन्य अति आवश्यकीय सामग्री जनवरीपछि पहिलो पटक पु¥याउन सफल भएको राष्ट्रसङ्घद्वारा जारी विज्ञप्तिमा जनाइएको छ।
_x000D_
_x000D_
संयुक्त राष्ट्रसङ्घ तथा सिरियाली अरब क्रिसेन्टका समूहहरूले विस्थापितलाई उक्त सामग्रीको वितरण गर्न तीन चारदिन लाग्ने बताएका छन्।
_x000D_
_x000D_
सिरियामा सन् २०११ पछि शुरू भएको द्वन्द्वमा परी करीब पाँच लाख नागरिकको मृत्यु भएको छ भने झण्डै आधा जनसङ्ख्या कुनै न कुनै रूपमा विस्थापित बनेको राष्ट्रसङ्घको तथ्याङ्क छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
