भैरहवा– एयर होस्टेसको प्रशिक्षण लिइरहेका तथा प्रशिक्षण लिइसकेका २० जना सुन्दरीले भैरहवामा प्रतिभा प्रस्तुत गरेका छन्। मिस एभिएसन क्विन- २०१८ का प्रतिस्पर्धीले भैरहवास्थित टाइर प्यालेस रिसोर्टमा आयोजित ट्यालेन्ट शोकोमा प्रतिभा प्रस्तुत गरेका हुन्।
_x000D_
_x000D_
ट्यालेन्ट सोमा सहभागी सुन्दरीले नृत्य, गायनसहितका प्रतिभा प्रस्तुत गरेका हुन्। नेपाली चलचित्रका गीतमा नृत्य गर्नुका साथै गायन तथा व्यक्तित्व र कलासहितका प्रतिभा प्रस्तुत गरेका थिए।
_x000D_
_x000D_
प्रतियोगीमध्ये एञ्जिला शेर्पा, कृति खत्री, रीया भारती, एलिसा चौलागाईं, सची पौडेल, सुमी पोर्टेल, छुनु सेन्चुरी, दीपिका पाठक, श्रेया सिंह ठकुरी तथा नेहा चौधरीले नृत्य प्रस्तुत गरेका थिए। अनिशा न्यौपाने, बबिना अर्जेल, पुनम लिम्बु तथा आँचल खड्काले गायन कला प्रस्तुत गरे। त्यसैगरी दीक्षा चौधरी तथा कविता घलेले व्यक्तित्व कला प्रस्तुत गरे भने एन्जिमा शेर्पा तथा लक्ष्मी तामाङले गजल प्रस्तुत गरे। एक मात्र प्रतियोगी रीजा उदयले भने मेकअपमार्फत आफ्नो कला प्रस्तुत गरेकी थिइन्।
_x000D_
_x000D_
_x000D_
_x000D_
बुटबल नगरपालिकाका मेयर शिवराज सुवेदीको प्रमुख आतिथ्यमा सम्पन्न ट्यालेन्ट शोमा अभिनेताद्वय रोहित रुम्बा तथा गोपाल ढकाल छन्देसहित ब्रेट मोडल, वसन्त श्रेष्ठ, विष्णु ढकाल तथा विष्णु थापा निर्णायकको रुपमा रहेका थिए।
_x000D_
_x000D_
_x000D_
_x000D_
ट्यालेन्ट शोमा सहभागी प्रतियोगीहरु ग्ल्यामर फोटोग्राफर नवीन के श्रेष्ठसंग फोटोसेसन गरेका थिए।
_x000D_
_x000D_
प्रतियोगिता टच ईन्टरटेन्मेन्ट तथा स्पर्श फिल्मस् र साहारा ईन्टरनेशनल एयर होस्टेस एकेडेमीसँगको सहकार्यमा आयोजना गरिएको हो।
_x000D_
_x000D_
प्रतियोगिताको ग्रान्ड फिनाले कात्तिक १७ गते शनिबार थापाथलीस्थित मुड्स लाउञ्जमा सम्पन्न हुनेछ।
_x000D_
_x000D_
प्रतियोगिताका विजेताले आन्तरिक उडानतर्फको एयरलाइन्समा काम गर्ने मौका पाउनुका साथै अन्य विभिन्न उपहार समेत प्राप्त गर्नेछन्। अभिनेता एसराज गराचले प्रतियोगितामा कोरियोग्राफी गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
