काठमाडौं– राष्ट्रपति रामचन्द्र पौडेलले नागरिकलाई निराशामा राखेर कुनै पनि राज्य व्यवस्था सफल नहुने बताएका छन्।
संविधान दिवसको अवसरमा राष्ट्रपति कार्यालय शीतलनिवासमा शनिबार आयोजित विशेष समारोहलाई सम्बोधन गर्दै उनले नागरिकको जीवनमा परिवर्तनलाई जोड्न व्यवहारमै सुशासन र उत्कृष्ट सेवा प्रवाहको आवश्यकता औँल्याए।
‘राजनीतिक परिवर्तनलाई नागरिकको जीवनमा जोड्नुपर्नेमा उनको जोड थियो। यसले मात्र नागरिकमा आशा जोगाउन सक्ने उनको भनाइ छ।’
“नागरिकलाई निराशामा राखेर न त कुनै राज्य सफल हुन्छ, न त व्यवस्था। किनभने हामी सबैले बुझ्नुपर्छ, शासकीय संरचनामा आउने परिवर्तनले मात्रै युगका अपेक्षा पूरा हुँदैन,” उनको भनाइ थियो।
संविधानलाई भाषणमा मात्रै नभई नागरिकको जीवनमा उतार्ने संकल्प गर्न पौडेलले आह्वान गरे।
‘आज हामी संविधानलाई भाषणमा होइन, नागरिकको जीवनमा उतार्ने संकल्प गरौँ,’ उनले सम्बोधनका क्रममा भने।
उनले थपे– ‘हामीले अनेकौँ संघर्ष र बलिदानबाट प्राप्त गरेको संविधानको साँचो अर्थ त्यही दिनमा बोध हुनेछ, जुन दिन कुनै नेपालीले न्याय, सम्मान, सुरक्षित भविष्यका लागि आफ्नो राज्यसँग याचना गर्नुपर्ने छैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789812005.jpeg)
-1786602170.png)
