काठमाडौं– सरकारले भारत, चीन, अमेरिका र बेलायतसहित १३ देशका लागि नेपाली राजदूत सिफारिस गरेको छ। शुक्रबार सिंहदरबारमा बसेको मन्त्रिपरिषद् बैठकले १३ देशका लागि राजदूत सिफारिस गरेको हो ।
सिफारिस सूचीमा भारतका लागि निश्चलनाथ पाण्डे, चीनका लागि कल्याणराज शर्मा र अमेरिकाका लागि चिरनजंग थापाको नाम छ। पूर्वप्रधानसेनापति गौरवशमशेर जबरालाई बेलायतका लागि राजदूत सिफारिस गरिएको छ।
सरकारले खुला आवेदन प्रक्रियाबाट विभिन्न देशका लागि राजदूत छनोट प्रक्रिया अघि बढाएको थियो। परराष्ट्र मन्त्रालयले गत जेठमा विभिन्न मुलुकका लागि राजदूत पदमा आवेदन तथा सिफारिस आह्वान गरेको थियो।
सिफारिस भएका राजदूत र मुलुक :
भारत — निश्चलनाथ पाण्डे
चीन — कल्याणराज शर्मा
अमेरिका — चिरनजंग थापा
बेलायत — गौरवशमशेर जंगबहादुर राणा
जापान — जिग्यानकुमार थापा
इजरायल — सुरेशकुमार कर्ण
स्पेन — प्राप्ति शेरचन
जर्मनी — शरू जोशी
ओमान — पद्माक्षी राणा
मलेसिया — चूडामणि खरेल
दक्षिण कोरिया — प्रा. डा. सङ्गम श्रेष्ठ
श्रीलंका — डा. मञ्चला झा
साउदी अरेबिया — गिरीबहादुर सुनार
राजदूत सिफारिसपछि संसदीय सुनुवाइको प्रक्रिया पूरा गर्नुपर्नेछ। सुनुवाइबाट अनुमोदन भएपछि सम्बन्धित मुलुकबाट एग्रिमो प्राप्त भएपछि राष्ट्रपतिबाट औपचारिक नियुक्ति हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
