काठमाडौं– अख्तियार दुरुपयोग अनुसन्धान आयोगले आर्थिक वर्ष २०८२/०८३मा ४९ प्रतिशत मुद्दा हारेको पाइएको छ ।
राष्ट्रपति रामचन्द्र पौडेललाई बुझाएको वार्षिक प्रतिवेदन अनुसार विशेष अदालतबाट फैसला भएकामध्ये ५१ .९२ प्रतिशत मुद्दामा सफलता हासिल गरेको छ।
अख्तियारले दायर गरेका १५६ मुद्दामध्ये ८१ वटा मुद्दामा कसुर कायम भएको आयोगले जनाएको छ। अख्तियारले विशेषको फैसला चित्त नबुझाउँदै सर्वोच्च अदालतमा १०४ थान पुनरावेदन दर्ता गरिएको छ । ३ वटा पुनरावलोकन निवेदन सर्वोच्चमा दायर गरिएको अख्तियारको प्रतिवेदनमा उल्लेख छ ।
अख्तियारले विशेष अदालतमा भ्रष्टाचार, अकुत सम्पत्ति आर्जन, नक्कली प्रमाणपत्र र घुससहितका मुद्दा दायर गर्ने गर्दछ । आयोगमा एक वर्षमा ४० हजार उजुरी दर्ता भएका छन् ।
आयोगले आर्थिक वर्ष २०८२/८३ को आफ्नो छत्तीसौं वार्षिक प्रतिवेदन राष्ट्रपति रामचन्द्र पौडेलसमक्ष पेस गर्दै ४० हजार उजुरी दर्ता भएको जानकारी दिएको हो ।
प्रतिवेदनअनुसार आर्थिक वर्ष २०८२/८३ मा आयोगमा जम्मा ४० हजार ५४२ वटा उजुरी परेका छन् । तीमध्ये ३३ हजार ५१९ वटा उजुरी सोही आर्थिक वर्षमा दर्ता भएका हुन् । ७ हजार ३२३ वटा अघिल्लो आर्थिक वर्षबाट सरेर थपिएका उजुरी हुन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789646487.jpg)
-1786602170.png)
